雲記美食

营业中

休息中

上环皇后大道中，有间铺面好细店入边有好窄，最多应该只可以容纳10个人堂食，所以呢我自己就拣咗买外卖。咁呢间铺头呢就叫做云记美食。门面，其实都好细间。入面都好窄。但系呢麻雀虽小 五脏俱全！佢每日都Offer接近20个𩠌俾大家选择，仲送埋冷热饮品，都系40蚊左右，外卖仲平两蚊。咁餐单呢，佢哋每日都会update，除咗喺铺头门面睇到之外，仲可以喺佢Facebook page度睇到㗎。咁我自己最钟意呢就系尖椒回锅肉佢啲回锅肉呢都切得好薄，同埋佢个辣油好香，啲青椒佢系用尖𠮶只，够晒香辣，用黎捞饭真系一流架，佢d回锅肉d腩肉都几爽下，唔系用罐头黎肤衍顾客，系真系用心自家制。👍🏻不过，个饭就湿身左d，如果可以干身d就仲更加好，不过其实呢个point就唔太影响嘅，因为我通常都会叫多汁，咁汁捞埋落去都系会湿咗嘅。所以真系冇乜大问题。