炯記手撕雞 (汝州街) (已結業)

朋友知我钟意食手撕鸡，佢话喺长沙湾食过一间唔错嘅，本来想带返我去果间食，点知无意中就发现原来深水埗都有分店。咁就真系要试吓啦。 好钟意舖头嘅装修，墙身有唔同区嘅相片，加埋黑胶唱片作间格，个人感觉几靓。 我地一行三人每人叫左d，share一齐食特别开心。 🐖秘制酱皇猪手捞面餐($56) 猪手好好食，炆得好腍，尤其猪皮非常有弹性、黏黏的，满满的骨胶原。🐓麻辣手撕鸡肠粉套餐($56) 麻辣味唔太重，啱哂唔系好食得辣嘅我。欣赏肠粉有好多酱，麻酱甜酱捞肠粉，再加埋手撕鸡嘅少少辣，呢个口味都唔错。🥢小吃三皇盘($58) 包括有蒜香酸辣云耳、盐焗鸡肾、酸辣无骨凤爪。个人觉得凤爪最为突出，爽爽弹弹、微酸微辣，唔错。🥢太子鹅油捞面($38) 都系用左粗面，挛挛嘅面极易挂汁，每条面都充满小小嘅鹅油香，同猪手捞面果种嘅豉油皇捞面比较，多左小小嘅油香味，食落都几好口感。舖头细细，但坐得几舒服，座位同座位之间唔会太迫，都算坐得阔落加上浅色木系家私店面网络几整洁光猛。