Mata Japanese Cuisine

营业中

休息中

原来依家长沙湾广场大变身入面有好多唔同种类嘅餐厅，迎合新一代嘅口味。今次发现咗呢间充满日本风情嘅半开放居酒屋，主打仲要系有自家制嘅特色鸡尾酒，我哋选择坐喺吧枱，前面就会系同Bartender有直接嘅接触。每一款Cocktail冲之前都会为你介绍当中嘅酒同味道，调酒师仲好风趣谈笑风生，同客人有相当多嘅互动钟意呢种chill嘅感觉。原条日本喜之次一夜干，鱼肉嫩滑味鲜，挤上少少柠檬汁有助提升层次感。黄嘅cocktail 系用左rum酒、蛋酒同菠萝调配，饮落口味道好得意，好似益力多同时多左果香又唔似益力多咁甜，好易入口，啱晒唔识饮酒嘅人。佢仲有烤鳕鱼干，非常香脆可口，非常适合送酒。仲有明太子翠玉瓜同烤豚肉卷，串烧味道都10分唔错。食完仲有自家制花生酥，花生酥咬落松软可口，有种入口即溶嘅感觉，好香花生味。