潮食 (乙明邨街市) (已結業)

今日天朗气清，太阳伯伯既光芒超强🌞做户外活动都系一个好大既挑战，决定由大围踩单车去大尾督，沿途进行小食之旅🚲第一站就系乙明邨既潮食，被称为鸡蛋仔界既麦当劳🌕本身系上水既小食店，转战黎沙田两年就赢尽街坊既心，仲以自家特色鸡蛋仔同格仔饼上埋各大美食杂志。乙明街市系旧式屋邨商场，街市和商场混搭而成，不是密闭空间，所以冇冷气叹🥵潮食面对住民居方向，去到既时候都有几个小朋友系度摞家长买小食，令我谂返细个已经好为食既自己👧餐牌一目了然，分为主食类既手撕鸡同埋𩠌菜包，仲有今日特登黎食既鸡蛋仔同其他小食📜有超过廿款鸡蛋仔，咸甜各占近十款。🍔猪柳蛋鸡蛋仔 | $31 | 9.5/10呢间铺头既代表作，将鸡蛋仔同猪柳蛋汉堡融入，将汉堡扒切成一粒粒倒入去烘热既蛋浆入面🍳半熟再打入鸡蛋，成型后再夹块芝士融一融，最后拎返起吹风扇。外脆内软既鸡蛋仔夹实丰富既馅料，每一啖都有材料，配合拉丝芝士极邪恶🧀比麦当劳版本好食咗几倍。