溫飽

营业中

休息中

二访温饱啦！自家制面包、甜品好吸引，今次试酸种面包，个人觉得酸种比贝果更好食。咖啡比较贵，而且少细杯。*黑松露大啡菇酸种面包 $128即叫即做，所以食完最后都系热辣辣。酸种面包烘到外脆内软，淡淡嘅麦香，个人觉得比贝果更香。上面铺满一层厚切大啡菇，淋上黑松露忌廉汁，再加一只水波蛋。整体感觉一定系好夹，忌廉汁比较稀，黑松露味偏淡。Kanelbullar $48瑞式肉桂卷同美式肉桂卷唔同，面团加入小豆蔻，再以扭纹式整型，撒上珍珠糖。大约需要20分钟左右，烘热之后，外层脆，入面软绵松软，每一层都有肉桂糖，有淡淡小豆蔻香，唔会系死甜。无论系口感、味道都好有层次感、好丰富，大大力推荐！Espresso tonic $60+$5 拣咗ethiopia咖啡豆，apricot & cream，清爽微酸，但好多冰。