金記海鮮飯店

营业中

休息中

小时弟真喺好少过荃湾食饭，今次朋友叫到，点都要俾下面啦！老友话想试吓依间新开嘅小炒店㖞，咁咪跟佢试吓啰！舖头都几干净，门口仲有个四层嘅鱼缸养住几条海鱼，为客人提供新鲜海鲜，都几有诚意！听老板娘讲，原来佢哋嘅酱汁都自家制，所以同其他嘅舖头都有几唔同！我哋几个麻甩仔，叫咗四样𩠌！首先紧喺食佢主打嘅《金记招牌炒蟹》！真喺特别，佢哋用上生猛糕蟹，火喉十足！我依个最怕食蟹嘅麻甩点都要试返只蟹钳！哗！真喺超大只猪手！坦白讲，我真喺唔钟意食猪手，但依到嘅《黑椒咸猪手》真喺令我改观，酱汁香而不辣，拣选嘅咸猪手肉质弹牙可口，又非常入味，火喉十足！可见师傅十分有料到！依到《麻辣鸡煲》又喺一绝，小辣已经非常刺激味蕾，食完真喺眼光鼻涕都流哂出嚟！但越食越想食，正！而且拣选嘅鸡肉新鲜，非常嫩口！小炒皇真系周街都有，依到嘅《金记XO小炒皇》真喺非常特别，用上自家秘制嘅XO酱，要有咸香有咸香！，要有香辣有香辣！送饭送啤酒真喺超一流！自家秘制嘅酱汁真系零舍不同，就算喺其他舖头可以食到嘅菜式，喺依到都特别出色！下次要再试吓！