新大壽日本料理店 (已結業)

引言︰富翁请客，紧系要出席。亮点︰自家制果酒，系吧枱上面，留意左成晚，有四款，最后试左三款。三款入面最正系拿破仑士多啤梨酒，甜度适中，唔算系偏甜果只，果味清香，系值得一试的。山桃酒都ok，不过给拿破仑士多啤梨比下去。另一只就系山士多啤梨酒，感觉系有酒精的药水，我就真系觉得麻麻地。鱼翅酒，系贴左系墙上面既推介，热饮，烧个既关系带点㶶味，都几唔错。食物︰鲭鱼箱寿司，系香港食过大阪同澄的，印象最好系澄，因为个饭实在出色。这里饭松松的，不过面头既鲭鱼就好唔错，至少食落觉得新鲜。吞拿鱼腩葱卷，普通，印象中一番的做得更好。网烧牛扒，烧功唔错，薄薄一片，好食的。油金鱼头，最基本的够肥美够嫩滑都食到，无投诉既地方。汁烧鱿鱼筒，鱿鱼够软身，唔会烧到干哂，稳阵野。鸡泡鱼肝，佐酒之选。鸡肾，够爽，唔错。烧鸡翼，烧得唔够脆身，系大路之选。汁煮花螺，味道普通。枝豆，无野好讲。服务&环境︰- 服务正常- 冷气唔够抵食度︰见仁见智总结︰有自家酿制果汁，好此物真系要试试。