美味佳 (已結業)

我好钟意食串烧，每次去到红磡，都会揾机会嚟食呢间明星串烧店！今次系假日嚟嘅，为咗唔使排队等，我特登早啲过嚟。嚟到门口，姐姐会俾张点菜纸你，要落咗单先会安排入座前架。记得要谂清楚先好落单，因为点完就唔得再加喇。今次同其他三枱搭埋，个位好逼，所以都难啲影相。不过，啲串烧真系keep到水准，好够焦香味，又唔会太干柴，尤其系佢哋嘅鸡全翼，配埋铺面嘅特制酱一齐食，先系最香口！另外，烧粟米同豆卜都好好味！之后有机会，我一定会再嚟食呢间明星串烧店嘅美食，不过希望下次可以坐得舒服D！