花臣車仔麵 (已結業)

今日约朋友系旺角见面，刚刚又撞正午餐时间，系黑布街见到间几特别的车仔面店，一于试试。 入到去，地下座位唔算多，不过可以上二楼，有好多座位。呢度除左有平时写纸仔方式落单外，仲有自助点餐机，可以自己落单，之后俾钱。 我地叫左两碗唔同𩠌既车仔面，大家可以交换试下。呢度D𩠌系几好味，但系有几款值得试下既。瑞士鸡翼：味道唔会太浓，做到刚刚好，出面有D会做到偏咸或者偏甜。咸蛋蟹肉：咸蛋黄既咸香加上蟹肉，配上一口面，简直绝配。牛孖根：呢个都系做得好，唔太稔又唔太更, 有少少口感，我钟意。猪大肠：我本身好钟意食猪大肠，但又好惊有果阵猪屎味，虽然间间做法差唔多，但起码无果阵味。 总括黎讲，呢度无论环境同食物都好，如果你同朋友经过，可以试下。如果想倾下计Hea下，上二楼绝对系一个好选择。