花臣車仔麵 (已結業)

平日都會係旺角周圍食野 經過麥花臣球場見到花臣車仔麵，我諗個名係咁改出黎！價錢合理 又多選擇 餐牌設計精簡叫左好多港式小食豬皮相當入味  菜亦不會太老而且仲係熱辣辣～雞翼非常入味 牛腩非常林身仲有炸蒜比你選擇 加埋會更加香 湯底好濃味 係瑞士汁 好正！份量十分足夠蟹棒超級大條！ 冬菇很入味，麵都相當爽口 口感不錯仲叫左咸蛋蟹肉 十分有驚喜，有豐富蟹肉，加上咸蛋碎粒和濃厚既醬汁，配搭很好！最後仲叫左野飲 ～

老公轉左去旺角番工，佢話平時行過見到一間新開嘅車仔面，裝修好特別，話我應該會鍾意，今晩我放假就去旺角等佢收工一齊去試下，佢帶住我穿過橫街窄巷，終於都到達，裝修的確係幾特別，一入門口有個機械人，店內亦很多鐵鏈鐵釘，幾有特色，我地坐左樓下，得三張枱，樓上應該仲有坐位，但我地懶得上去，有位就坐餐牌簡單清晰，選擇都算幾多我叫左牛肚魚蛋配烏冬，榨菜芝麻免費加的，牛肚鹵得好林好入味，正咼，值得推介，湯底都好夠味老公叫左腸仔、日式叉燒、蝦餅配油麵，佢話蝦餅好旦牙，叉燒好有水凖飲埋忌廉同奶茶走人lu埋單89蚊扺食丫

真係。真係。真係唔明點解會有咁多好評 ?!我 係第一次專誠開account 上黎寫食評因為真係好想話比大家知呢間野幾咁差首先，一入到去咩都係自助式，都算。咁我同我fd諗住上樓上坐啦，點知乜都冇，點菜紙又冇，真係 真係 得枱同凳，同埋仲要係勁污糟，冇抹既。咁我地點餐啦，然後係要自己捧碗麵上去，完全係冇人主動serve, 亦都feel唔到佢地有想serve 人既意欲，兩個員工坐係到傾計，都都算。仲要落錯單，寫錯三樣野，明明碗野係冇豬皮就加豬皮，明明碗野應該係有蘿蔔就冇蘿蘿蔔。要！嗰！樣！冇！嗰！樣！冇！嗰！樣！整！嗰！樣！仲要！要咖哩魚蛋就落魚肉燒賣！我想講 嗰陣間鋪10個客都冇！根本就發緊夢！然後燒賣都要等10幾分鐘，真係懷疑佢岩岩先捉條魚上黎起肉，仲要好難食搞到我同我fd來回行左十幾轉，又上又落，一啲唔好意思都冇，又唔係平過人，又冇人serve 仲有 兩樓 近樓梯位置既地下有兜唔知乜野，以為係其他客人食完野冇手尾擺落地下，總之就勁不雅觀，對住食野真係好核突。呢一刻，我同我fd終於知道，點解，星期五既晚上，處於旺角地段既呢間野會冇客，真係好懷疑啲食評就算要花人生寶貴既時間，我都要上黎打呢

有次係白布街食甜品，行出黑布街見到一間藍色餐廳幾靚，望一望原來係食車仔麵？嘩！乜車仔麵店都咁靚嘅？店舖好特別又乾淨，完全有別於傳統，很喜歡這店舖的裝修，很有趣。最近經常下大雨的天氣，外出的人少左，所以唔洗等位就可以隨便揀位坐，點餐紙係枱上任你點，每個位都整齊擺放好醬料隨你添加✌🏼我點，通菜、魚片頭、炸蝦餅、雞翼尖、加蔥花炸蒜榨菜，選了薯粉配蝦湯加辣醬，熱柚子蜜，還有特色的咸蛋蟹肉，個炸蝦餅好好味，雞翼尖好入味，薯粉就無咩特別，蝦湯加辣醬的確鮮味秘製辣醬辣而香，鐘情咸蛋的人士可以試下咸蛋蟹肉，這裏的很不錯，總括而言，我覺得好抵食，平民價得來又有水準，一定會再黎幫襯

一種能夠代表香港嘅美食----車仔麵, 好耐冇食過啦，放假行完街想去食一下，今日介紹呢間 ~~ 花臣車仔麵。位於黑布街, 地鐵站步行約6分鐘就到達。餐廳裝修有懷舊特色，而且仲有樓上雅座 ! 最攪笑係有個白武士喺度看舗 !!! 車仔麵配料有60幾種咁餸，由＄8蚊去到最貴都係＄15蚊一味餸，又多選擇, 多樣化!仲有最愛街頭小食：~~咖哩水魷、咖喱魚蛋、咖喱蘿蔔、南乳豬手、韭菜豬紅、牛柏葉、瑞士雞翼等。一人一張點餐紙，可以點D自己最愛食嘅嘢同埋飲品。瑞士汁烏冬🍜：湯底非常濃郁😍，仲有最愛的瑞士雞翼🐣、黑椒牛柳粒，煮得非常入味! 而咖哩水魷、咖喱魚蛋都非常好味，大腸同豬紅口感細滑，泡菜餃又不太辣, 烏冬亦很彈牙。咖喱魚蛋泡菜餃通菜麥精 ~~ 太好味了 ! 總結：花臣車仔麵真係材料都係分量充足款式選擇多, 而大部分人都認為, 材料、湯底係好重要, 但其我覺得最重要的, 一定係「性價比高」！加上價錢相當合理，下次一定要會再黎！

今日同老公去旺角行下街買下野，行到咁上下開始有點肚餓了，剛好經過麥花臣球場附近，於是同老公去附近搵食，去到黑布街附近都有不同餐廳選擇，而比較喜歡食麵的我，就見到有間花臣車仔麵，同老公就決定入去試試。店舖是分上下層，是自助形式，劃好想食的車仔麵就到收銀處付款就可以。這家車仔麵比我想像選擇多，而且湯底也多選擇，特別在於有加瑞士汁的湯底及蝦湯。因為自助形式，老公就在出餐位置等候，我就到樓上雅座坐低，終於出場的車仔麵到啦！我今次叫左米粉配蝦湯、加辣醬。餸就叫左炸蝦餅、 腐皮墨魚卷、豬大腸、黑柏葉。辣醬貼心的用匙另上，我先試試蝦湯底，味道有點似蝦子麵的味道，很濃郁但不會過咸，而且湯底出奇地很夾米粉，炸蝦餅同腐皮墨魚卷都非常爽口彈牙，值得推薦，豬大腸亦滷得很入味，黑柏葉亦很爽口，而辣醬我都很欣賞，味道有帶有點咖喱香味，。整體都令人有驚喜。而我老公就叫了米線配清湯，餸就叫左蘿蔔、冬菇、牛腩、炸蝦餅。清湯比較清甜，老公最推薦是冬菇，完全吸收晒蠔油精華，很入味，蘿蔔亦帶點甜味，感覺用瑞士汁煮過，但出奇地夾，而牛腩亦非常淋身。我試過這碗的米線，米線不會過淋，有些爽口感，我非常喜歡這個口感。想不到這間車仔麵

「花臣車仔麵」的神跡，聽朋友說就聽得多了！什麼大大份的食材之類的！還真的是第一次跟老公來吃吃看！剛看到門面就覺得各位醒目，絕對有利於尋找👍🏻餐點部份也貫徹香港的方式先點單付錢，再取餐點找位置！位置也相當足夠，上面一層全是位子幾乎每樣東西都不同於傳統車仔麵店的食材😍每一樣都好想試喔😋之後就開餐了⋯豚角煮、炸蝦餅、鵝腸還有蠔汁花菇豚角煮是日式煮法有點類同於中式東坡肉的感覺！豚角煮是我的最愛！其二就是蠔汁花菇，花菇吸了滿滿的蠔汁；咬下去，那入了味的蠔汁從花菇的每一個隙縫噴出來！那感覺那就是：讚👍🏻還有這款鹹蛋蟹肉，相信老顧客都知到是必點的！一開始劃單時，我們並沒有點；是之後看到幾乎每一台客人都點了一盤鹹蛋蟹肉！所以跟風加單了果然沒讓我失望！還有不得不提的 南乳豬手！$25一碗，份量絕對十足，味道好吃到，老公自己嗑了一碗😭我只吃了一塊！吃完這一餐，我又不滿足地約了朋友再戰一次！😂

車仔麵癮還在發，最近發現了旺角有間懷舊車仔麵，叫花臣車仔麵，究竟這間車仔麵在搞什麼花臣？這次我帶你們去看看吧！一去到門口就看到滿滿的舊香港氣息。內裡的裝修也像是舊式裝修一樣，當然這裡的燈光比較光明一點，店內播著收音機，令到鋪內更有味道。來看看菜單，這裡的菜單有好多其他車仔麵比較少有的菜式，這次我選擇了，油麵、紫菜、炸蝦餅、鵝腸和豚角煮（沒想到車仔麵有鵝腸和豚角煮吧！！）、還有炸魚皮。這裡的湯加上沙爹醬令到湯頭好濃郁，每一口也是濃濃的沙爹味。這裡的沙爹跟別店的有些不一樣，油麵沒有煮得好淋，不會煮得很爛。咬一口炸蝦餅，蝦餅是點餐後才炸的，所以車仔麵來的時候是熱辣辣表皮也好酥脆。豚角煮真的有驚喜，沒想到在這裡的豚角煮煮得沒有很硬，皮也沒有完全溶掉，還可以像吃果凍一皮，QQ彈彈的。鵝腸也是爽爽脆脆的，輕咬一口就斷了，味道也不賴。紫菜值得一讚的是沒有沙，炸魚皮浸在湯中等魚皮軟身一點再吃加上湯汁，十分好味。

多年冇食過車仔麵，放假的中午想懷緬一下，於是去左屋企附近新開業數個月的花臣車仔麵餐廳裝修頗為懷舊具有特色，更設有樓上雅座，地方寬敞，明亮潔淨車仔麵配料選擇非常多，更設有不少特色配料如手撕雞、黑椒牛柳粒等等。湯底和調味醬料亦有數款選擇。除了車仔麵更有多款街頭小食同媽媽點左一碗車仔麵同一碗淨餸~ 第一碗主要係柱候牛腩牛孖根幼麵🍜牛孖根炆煮得好軟林入味，富膠質！幼麵爽口，好掛湯！+$8蘿蔔好林！+$10鮮蝦雲吞用料充足！+$10豬紅都幾新鮮另一碗淨餸質素不錯好欣賞佢地嘅墨汁墨魚餅同腐皮墨魚條，新鮮爽彈，裏面食到有唔少墨魚粒厚切玉子蛋正正的瑞士汁雞翼肥美厚肉，夠嫩滑，滷得好入味凍奶茶同凍檸茶質素不錯，茶味香濃唔苦澀，拍得住茶餐廳

現今坊間的車仔麵食店，如果想在競爭激烈的市場站穩陣腳，除了要有好的營銷策略，要有良好又吸引食客注意力的宣傳手法之外，主角車仔麵的食材、調味用料、湯底，甚至是粉麵麵底都不能忽視。車仔麵之所以會被傳統飲食觀念視為「嗱喳麵」或者是「雜碎麵」，其中一個主要的原因就是，車仔麵的配菜大多數會是一些，不能登大雅之堂的平民食材，例如雞中翼、魚蛋、牛肚、豬皮、豬紅等等。後來有些車仔麵店，就會在車仔麵餸菜方面嘗試引入新食材，力圖把傳統的舊式車仔麵餸菜，改變成為一些開始能夠上大檯的食品，就像我今次幫襯旺角車仔麵店「花臣車仔麵」的招牌配菜「咸蛋蟹肉」。「花臣車仔麵」之所以會有這個店名構思，最主要的原因就是因為食店的選址，正正就是因為食店的位置，設於「麥花臣球場」區域附近的位置，所以促使「花臣車仔麵」這個店名的出現。當然，「花臣車仔麵」這店名還有另一個層次的意思，就是指「花臣車仔麵」在車仔麵的湯底、麵底、餸菜、小食都有花上心思，去創造別出心裁，全店首創的精製食品，所以才有搞「花臣」的店名出現。「花臣車仔麵」店名可能涉及三種可能性原因，除了可能因為食店的選址與「麥花臣球場」有關、以及因為車仔麵裡面有，創新的湯底麵

車仔麵可以話係其中一樣能夠代表香港嘅美食，而家嘅車仔麵各有特色，包裝過後可以變成高檔餐廳，賣不同食材，湯底。花臣裝修咁靚，又好衛生，原來還有樓上一層，仲有自助醬汁區任你撈，食車仔麵食到咁咁都幾開心而今曰我叫了一碗四餸車仔麵，有肥牛、蠔汁花菇、菜心、豬紅和油麵，選了秘制辣汁及蝦湯底。 免費加了蔥花炸蒜榨菜芝麻，蠔油花菇盡吸蠔油味，粒粒都軟腍，而且數量多，十分抵食：豬血煮得入味，又爽又腍無渣又唔會硬：肥牛嫩口吸曬湯底精華夠入味。油麵配上蝦湯底及秘制辣汁，相當配合。其實特製的辣醬亦很香，我叫上中辣但覺得不太辣，下次可試試大辣。我也叫了一杯凍奶茶，真心，茶雖然不濃，但卻清香沒有苦味，一邊食麵一邊飲奶茶，十分正

車仔麵絕對係香港特色美食！宜家出旺角除左掃街，我愛上了這間車仔麵唷！又平又大碗，仲有我最愛既麻辣湯底添呀！想食乜自己話事，同honey各點了一碗車仔麵！我點了四餸+麻辣湯底+薯粉。薯粉既份量非常多，配上麻辣既湯底絕對係perfect match呀！ 每條薯粉麵吸收哂麻辣湯底既味道，辣勁十足呢！墨魚汁魚餅我覺得係必食之一唷！雖然魚餅外表黑卒卒唔討好，但美道是滿分呀！口感爽彈，煎得香口惹味！豬手肉質軟稔又入味，骨膠原豐富，美食又養顏呀！韮菜餃皮薄又多餡，菜肉比例均勻，口感滿滿。特色之一既咸蛋蟹肉真材實料，蟹肉份量很多，配上咸咸既咸多黃，正呀！

今日星期日假期，又是7月1日回歸記念日，同老公去睇升旗儀式，之後想去行下街，因為銅鑼灣那邊有遊行，怕人多擠迫，就去旺角吧！估不到旺角也人多，他們正觀看街頭表演，我同老公就行入比較靜d街道，行到黑布街，見到花臣車仔麵，我同老公不約而同說好耐冇食過了，於是就入去食返碗，店內地方不大，但整體雅潔，而且有樓上雅座，我們見地下有位就不上樓，這店是自助形式，首先劃好餐單，之後去收銀處比錢，待叫號數就去取餐區取食物，另外還可以用自助機自己落單，用八達通比錢，甚為方便。每張枱都放有調味料。我選了：幼麵，湯底是清湯加瑞士汁，餸有：瑞士雞翼、豬大腸、豬紅、豬皮、雲吞、咖哩魷魚，調味醬料和配料就加了沙爹醬、蔥花和榨菜。幼麵好爽口，瑞士雞翼好滑好入味。雲吞入面有爽口的蝦，豬腸洗得乾淨沒異味，夠林又入味，豬紅豬皮都夠味，湯加了沙嗲醬十分惹味！每樣餸都煮得夠味，而且在碗內擺放有序，廚師精心製作，值得一讚！大支裝可口可樂，跟餐加11元老公的油麵，蝦湯，餸選了：炸豬扒、豬軟骨、日式义燒、豬皮、雲吞、魚片頭，加了沙爹醬、炸蒜、榨菜。炸豬扒好大件，老公說又林又入味。凍奶茶：跟餐加8元

黑布間開左間車仔麵，裝修幾特別，所以就去試下啦。行到入去其實真係唔似車仔麵店，有隻星球大戰士兵企左喺度。地下由嗰層無乜位，不過因為早去，所以都係坐地下嗰層。我估佢地本身想客人自己點食物，因為收銀有部iPad對住客人但無開機，所以我都係用番最老套嘅方法，圈紙仔。款式嚟講都唔算少，而且有啲特別啲嘅野食㨂下，例如玉子蛋、瑞士雞翼、日式叉燒等。上菜係幾靚仔，不過味道就一般，唔係太入味，可以接受同有進步空間。另外我懷疑佢俾錯左日式叉燒我⋯我係想食牛腩。價錢就中規中矩。如果考慮埋餐廳裝修同環境，可以一試嘅，因為都坐得舒服，無人趕無人迫。

今日約朋友係旺角見面，剛剛又撞正午餐時間，係黑布街見到間幾特別的車仔麵店，一於試試。 入到去，地下座位唔算多，不過可以上二樓，有好多座位。呢度除左有平時寫紙仔方式落單外，仲有自助點餐機，可以自己落單，之後俾錢。 我地叫左兩碗唔同餸既車仔麵，大家可以交換試下。呢度D餸係幾好味，但係有幾款值得試下既。瑞士雞翼：味道唔會太濃，做到剛剛好，出面有D會做到偏鹹或者偏甜。咸蛋蟹肉：咸蛋黃既鹹香加上蟹肉，配上一口麵，簡直絕配。牛孖根：呢個都係做得好，唔太稔又唔太更, 有少少口感，我鍾意。豬大腸：我本身好鍾意食豬大腸，但又好驚有果陣豬屎味，雖然間間做法差唔多，但起碼無果陣味。 總括黎講，呢度無論環境同食物都好，如果你同朋友經過，可以試下。如果想傾下計Hea下，上二樓絕對係一個好選擇。