伊賀日本燒肉料理 (已結業)

今日同女朋友喺尖沙咀行完街，经过The Hart见到呢间烧肉店，都见有啲肚饿，所以同女朋友上咗去试一试呢间嘅烧肉店。店内好宽大，而且座位舒适，全部座位都系大枱，唔会令到人觉得狭窄，而且全部都系好舒服嘅梳化椅。而餐厅亦都好窝心，喺枱度有张餐纸，系教人大火用嚟烧牛肉嘅，细火用嚟烧鸡肉同猪肉。喺烧烤炉嘅侧边，亦都有好多嘅酱料，方便我哋烧完之后自行添加，但系餐厅提示我哋大部份嘅猪肉已经经过酱汁调味腌制，所以都建议我哋烧完猪肉自己添加酱料。落单亦都好方便，你用餐厅提供嘅iPad 想食乜嘢，就将啲食物添加，简单而又环保。虽然餐厅有提供寿司，但系我哋都冇乜点叫道，主要都系食烧肉。另外我觉得最值得推介嘅系呢度嘅虎虾，大只之余，都好新鲜。