Steak Bar (已結業)

登龙街成条食街咩都食，中西泰日台样样有，今次同朋友由街头行到街尾，决定食 #Streakbar ，有唔同类型嘅牛扒餐，不过见到有二人餐 $399就唔谂即拣，有两款牛主食、一款小食、两杯饮品。石烧牛舌拼薄切牛双重满足可以食到两款牛，最特别系可以自己烧，控制个生熟度，牛舌烧到爽身，薄切牛轻轻一烧就食得，考验大家「厨艺」，附有蒜片、盐、烧汁畀你沾。另外套餐跟一碗饭同沙律，唔惊唔够饱。顶级板腱牛扒呢款就由厨房炮制，店员推介五成熟，温提食完想再熟少少可以石烧，牛味浓郁、软腍，而且厚度够增加口感，都有配饭同沙律。BBQ风味鸡翼一客5件鸡中翼，酱汁甜甜地，可以一试。蜜桃梳打、柚子梳打夏天真系不得不饮冻饮，记得搅匀先饮。