走肉‧朋友 (已結業)

今次第二次食，同屋企人嚟，大概都知模式，同上次一样入场先俾钱，无人换碟同坐得迫，今次多一样野就系攞野食要带返囗罩，其实疫情下好多酒店因为卫生问题已经唔做buffet , 之前食过嘅餐厅做semi buffet 系waiter serve, 唔系客人自己攞，呢度啲客人其实都几自律，不过咁嘅要求就大大减少咗我出去攞野食嘅次数，好彩有细佬帮我攞，哈哈！唔系好记得上次食几钱，今日就150一位，印象中好似无乜加价，食物都差唔多，妈咪第一次食话好好食，话疏食几好，咁多菜，啲蟹肉几似蟹肉，另外屋企人话炸虾片好好食，我自己呢……就觉得不过不失，譬如话炒时疏咁，虽然有我钟意嘅西兰花同翠玉瓜，但炒得耐咗，唔爽囗，又譬如话饮品咁得柠水，夏枯草同水，选择就少咗啲，同埋真系迫，虽然我地一家几囗都系瘦，但离开位攞野食一拉櫈都基本上会撞倒人。