影片
更多
2022-08-17
1505 浏览
距离下一摊仲有啲时间，想揾个地方食件cake坐下，本身想去龙岛，但无晒位，就上左嚟D2 Place呢间。拣蛋糕时觉得有点少贵，龙岛cake set都系$68，呢度仲贵，所以都有啲犹豫，但唔想破坏计划就都系拣左件蛋糕坐低左。今次叫左开心果红莓蛋糕($48)，再叫左杯紫薯鲜奶(+$30)，出到嚟味道系出乎意料地好🤤蛋糕最外层系焦糖杏仁碎，主体系开心果mousse，中间夹左两层红莓酱。开心果嘅甜品我觉得难整得好，有好多时都会有阵苦涩味，但呢度嘅开心果mousse有开心果嘅香，但就无苦味。中间红莓酱嘅酸甜味突出，都令到成件蛋糕清新左。最出嘅杏仁碎应该有烤过，闻落去已经有果仁香，都为件蛋糕加多左层口感。紫薯鲜奶都系值回票价，可能因为我系叫热饮，所以佢阵紫薯味特别出，饮落去都好顺口，但饮嘅时候可以稍微再摇匀下，唔系就会好似我咁最底层好浓味。虽然蛋糕真系好精致的骰，但系味道真系好好，系会觉得太细件唔够过口瘾，希望可以比贵啲，整𠮶大啲嘅食下𠮶种😋 其他蛋糕卖相都好靓，下次可以encore💕
拣蛋糕时觉得有点少贵，龙岛cake set都系$68，呢度仲贵，所以都有啲犹豫，但唔想破坏计划就都系拣左件蛋糕坐低左。
今次叫左开心果红莓蛋糕($48)，再叫左杯紫薯鲜奶(+$30)，出到嚟味道系出乎意料地好🤤
蛋糕最外层系焦糖杏仁碎，主体系开心果mousse，中间夹左两层红莓酱。开心果嘅甜品我觉得难整得好，有好多时都会有阵苦涩味，但呢度嘅开心果mousse有开心果嘅香，但就无苦味。中间红莓酱嘅酸甜味突出，都令到成件蛋糕清新左。最出嘅杏仁碎应该有烤过，闻落去已经有果仁香，都为件蛋糕加多左层口感。
紫薯鲜奶都系值回票价，可能因为我系叫热饮，所以佢阵紫薯味特别出，饮落去都好顺口，但饮嘅时候可以稍微再摇匀下，唔系就会好似我咁最底层好浓味。虽然蛋糕真系好精致的骰，但系味道真系好好，系会觉得太细件唔够过口瘾，希望可以比贵啲，整𠮶大啲嘅食下𠮶种😋 其他蛋糕卖相都好靓，下次可以encore💕
张贴
