影片
更多
2022-12-01
1899 浏览
承接之前嘅食评，提到我同老婆入到嚟东涌住民宿，因为玩过几次酒店宅渡假，所以，今回搞吓住民宿。第二日行程就玩愉景湾，先去梅窝，再行山行去愉景湾，约两粒钟左右，再上愉景湾暸望台及其他打卡位，最后嚟到白教堂，而晚饭就晌愉景湾酒店嘅「Café bord de Mer & Lounge」食埋个自晚餐先打道回府，成日行程够晒丰富，同卖力。 谂住咁山长水远，会帮衬嘅客唔多，点知，未够钟，晌门口已经排紧队等入场，真喺盛况空前，跟住陆陆续续入场，坐吓坐吓近乎全场爆满，真喺唔好睇小港人嘅消费力。 而呢度嘅环境真喺几唔错，一边全部落地大玻璃，事前都睇过他人嘅食评，对出就喺一片海景，蓝天白云，景观一流，不过我哋夜晚到访就欣赏唔到咁嘅靓景，之但喺，成个场都好舒服，一来够大，地方阔落，二来楼底高，空间感十足，我哋被安排一陆嘅梳化位，更感写意休闲。原来自助晚餐正正做紧「大澳主题」，唔知会做到几时，因为相信12月中大多数酒店嘅自助餐都以圣诞为主题。以「大澳」为题，相信有唔少本土特色海鲜菜。价钱以星期日至四计，成人收$488，小童收$244；而以星期五、六计，就贵多啲，成人收$638，小童收$319。不过，星期日至五就
谂住咁山长水远，会帮衬嘅客唔多，点知，未够钟，晌门口已经排紧队等入场，真喺盛况空前，跟住陆陆续续入场，坐吓坐吓近乎全场爆满，真喺唔好睇小港人嘅消费力。
而呢度嘅环境真喺几唔错，一边全部落地大玻璃，事前都睇过他人嘅食评，对出就喺一片海景，蓝天白云，景观一流，不过我哋夜晚到访就欣赏唔到咁嘅靓景，之但喺，成个场都好舒服，一来够大，地方阔落，二来楼底高，空间感十足，我哋被安排一陆嘅梳化位，更感写意休闲。
原来自助晚餐正正做紧「大澳主题」，唔知会做到几时，因为相信12月中大多数酒店嘅自助餐都以圣诞为主题。以「大澳」为题，相信有唔少本土特色海鲜菜。价钱以星期日至四计，成人收$488，小童收$244；而以星期五、六计，就贵多啲，成人收$638，小童收$319。不过，星期日至五就有第二位半价优惠（星期六除外）！
整个场地嘅格局，都算几归一，食物区集中晒晌入门口嘅前面及左手边，唔会东一忽，西一忽。
饮品吧就对正入门口位附近，本来平平无奇，不过，因为今日行咗成4个几钟，此刻，当然有啲几口渴，故此，一起手灌咗两杯芒果茶，加多一杯橙汁，当堂爽晒。仲有，唔知咩原因，酒店仲送上咗杯香槟，等阵用嚟配冻海鲜就真喺一流。
沙律、特色冷盘跟住，就逐个逐个食物区介绍，先喺自助沙律吧，唔算大阵容，两款沙律菜加少少配料，数款酱汁，另外，就仲有啲预制好嘅沙律及特色冷盘，最有亮点喺啲冷盘，多元化之外，加入好多本土元素，我老婆就劲钟意，小弟就样样要啲。
杂锦冻肉拼盘晌另一边长枱，有啲冻肉肠拼盘、挪威烟三文鱼，喺唔少自助餐必见嘅冷盘嘢，小弟一向用嚟衬沙律食，而睇落啲冻肉肠几好样，望上去都几油润，唔会「干峥峥」。
介绍完上述几个大类，就嚟一份超级颈盘，样样执啲，睇见都好丰富啦，除沙律外，仲拣咗几款冷盘嘢、杂锦冻肉，再去甜品𠮶边拎啲生果，淋上啲凯撒沙律汁，酸香醒胃，清爽怡人。
刺身、寿司本身都喜欢食刺身、寿司，不过，平常食自助餐就比较少拣，但点都要介绍番两句。刺身有八爪鱼、鲷鱼、吞拿鱼同三文鱼，都喺港人颇喜欢嘅款式；而寿司就杂绵啲，做好晒一大盆放晌度自取，款式上都喺大路少少。
今日就贪口痕，捧吓场，试咗少少刺身，阿师傅几有心，帮我卷起去，摆得靓仔啲，啲三文鱼仲俾一大堆我，哈哈。三文鱼好够油润，鲷鱼就味淡啲，但好清爽，而八爪鱼柔韧好食。
冻海鲜、芝士盘晌沙律、冷盘大圆枱嘅另一面，就放有冻海鲜、几款芝士、干果、水饼，依家生蚝唔再喺自助餐必然供应嘅食物，太多基于食卫安全去考虑，虽然无生蚝，但仍有大大只面包蟹、大蚬、冻甜虾及鳕场蟹脚。
冻海鲜唔算多，所以，4款都试晒，啲面包蟹劲爆膏，真喺胆固醇万岁，大蚬亦好鲜甜，甜虾十分爽口弹牙，鳕场蟹脚拆出原条蟹肉，鲜味到不得了。整体而言，几款海鲜都有质素，唔喺平价货。
冻海鲜
10 浏览
0 赞好
0 留言
餐汤、面包自助餐就一定会提供中汤、西汤，前者有青红萝卜煲猪骨，后者就喺蕃茄汤，两款都唔喺咩特别嘢，不过，食完一轮沙律、冷盘、冻海鲜，饮少少热汤暖番个胃。而面包篮一大个，里面有好多选择。
中西式热盘、即煮档、烤肉跟住轮到介绍热食呢个大片区啦，先一口气介绍晒有啲咩食，包括：芋香腊味炒饭、药膳鸡脚、避风塘富贵虾、姜葱炒蟹、即炒青口（配香辣蒜香橄榄油或豉椒炒）、金蒜粉丝蒸帆立贝、咸鱼姜米蒸鲈鱼、德国脆猪手、德国香肠、烧烤西冷牛肉、百里香烤羊腿、咖喱鸡、红酒牛肋条、红烧炆猪手、炒时蔬、蚬介陈皮鲮鱼球、大澳虾酱鸡翼、紫菜墨鱼饼、大澳生晒咸蛋黄脆鱼皮、杂锦海鲜粥，期间都不时转款，补充又快，所以，未能尽录，记得几多得几多。
咸鱼姜米蒸鲈鱼
13 浏览
0 赞好
0 留言
烧烤西冷牛肉、百里香烤羊腿
12 浏览
0 赞好
0 留言
德国脆猪手、德国香肠
8 浏览
0 赞好
0 留言
大澳虾酱鸡翼
11 浏览
0 赞好
0 留言
紫菜墨鱼饼
13 浏览
0 赞好
0 留言
大澳生晒咸蛋黄脆鱼皮
13 浏览
0 赞好
0 留言
老实讲，梗喺样样都想试啦，但实际就试唔晒，老婆攞啲，我又攞啲，部份嘢就「些牙」吓，务求试多啲。太多嘢就唔逐样评，整体嚟讲，不少菜式都好有质素，富卖点，尤其一堆炸嘢、烤肉、大澳特色菜，确喺好食又特别。喺可惜食完啲热盘都好饱吓，留少少肚食甜品，所以，就无试个海鲜粥。
生果、甜品甜品主要放晒晌入门口位左边，两组冻柜加个食物长枱，数一数有近廿款甜点，以及两款生果，仲不时有更新，凭啲相，一次过介绍吓有咩选择：堤拉米苏、朱古力卷蛋、鲜果挞、日式芝士蛋糕、黑森林蛋糕、咖啡白朱古力蛋糕、红桑子慕丝、啫喱鲜果条、士多啤梨慕丝、红豆绿茶慕丝、焦糖炖蛋、芝麻卷、雪糕、雪条、糯米糍、鲜果西米露、绿豆煎饼、大澳虾酱鸡蛋仔，有成咁多款，应该都好满足到一般需要。
咖啡、热茶顺便讲埋，甜品位再过啲，有两部自助咖啡机，以及几壶热茶、热水，同埋柠檬，讲到食甜品，就点都要拎杯咖啡嚟衬一衬，就算唔喺咩意式咖啡，即磨嘅，只要豆靓都唔差得去边。
到我去拎甜品时，有啲款式已经无咗，不过，亦加番啲新嘢，而小弟就试咗热情果挞、芒果蛋糕、红酒梨、鲜果啫喱、啫喱鲜果条、绿豆煎饼、芝麻慕丝蛋糕、大澳虾酱鸡蛋仔。综合而言，质素唔错，虽然无话有啲惊喜款式，但算稳打稳扎。当然，个虾酱鸡蛋仔确喺几特别。
食完一整碟甜品未够喉，当然，要拼多一杯雪糕同一枝雪条啦，前者喺Movenpick雪糕，拣咗最心水嘅朱古力口味，而后者有泰国嘅榴梿雪条，一定拣佢啦。Movenpick雪糕果然喺质素保证，幼滑富奶香，朱古力味好浓郁，榴梿雪条质感软滑，榴梿味够晒突出。
Movenpick雪糕、泰国梿雪条
12 浏览
0 赞好
0 留言
张贴
