SENSU (已結業)

之前见呢间餐厅好多人推介,搞到我成日心思思想食.趁住放假,今日终于有机会黎潮圣一下啦.All day menu入面任何时间都可以点,但lunch time唔同既系会送上指定饮品,平时见比较多人会食佢主打既日山牛,但我就一反传统试下佢既西餐.温泉蛋杂菌阔条面配黑松露忌廉汁.先系温泉蛋已经加晒分,轻轻刺穿,橙黄而浓密既蛋黄浆冲破蛋白衣涌出碟内.蛋黄将黑松露忌廉汁沾上淡黄色令质感更稠密与阔条面慢慢融合.阔条面比平常更阔身,蛋香味更浓之余又可以挂上更多黑松露忌廉汁.黑松露忌廉汁入口后,黑松露味先涌入味蕾,黑松露味渐渐淡开后会带入杂菌既蘑菌香,入口清新,唔会过腻.炸鸡翼配他他汁,鸡翼几大只,外层炸得几脆身唔会油淋淋.沾上他他浆带少少微酸令到炸鸡翼无咁腻.是日甜品:菠萝水冰,仙气来袭,混合左干冰令成份甜品超女神feel,唔打卡点对得住自己！上层菠萝泡沫上有少少食用花同金箔做点缀,底下有菠萝雪葩,菠萝粒同焦糖脆脆成个搭配虽然混杂但食起上黎又意外地夹,焦糖脆脆为微酸既菠萝带上一份焦香及甜味,相反菠萝又为焦糖带来一份清新既感觉,两者合起黎真系缺一不可.Pear marigold fruit tea, 用