唂咕

营业中

休息中

周末有咩好做，唔好跟人，试吓跟住个人步伐走入自己社区。分享下我嘅简约周末。系湾仔买左两杯朱古力，走过日月星街感受下艺术气息，系池边同白鸽对饮，企系长长扶手电梯自由放空，坐系太古广场饮既时候，仲望到好靓既屋顶设计。一切都由呢间喺社区之中存在嘅可可饮品店开始。 🍖第一杯饮品，我拣咗薰衣草加70%朱古力，真系好钟意𠮶种香浓之中渗出淡淡既花香，走系街上面，正好开始入秋，就算饮热嘢都觉得好舒服，而且更加令人感觉到放松嘅心情。彷佛白鸽都系因为咁样而被吸引过嚟同我一齐饮嘢。 🍖另一杯系黑朱古力配全脂奶，朱古力嘅份量十足，但唔会苦，充满可可味，而且牛奶打得好滑，入口嘅口感非常软绵。但系又冇任何一丁点嘅人造甜味，系天然而且令人舒服嘅饮品。 唂咕呢个名其实系以前茶餐厅成日出现既朱古力饮品代名词。主要就系可可粉加水，不过就会偏向苦涩，呢度嘅质素又点止唂咕咁简单，但系呢个咁有情怀嘅名，配合呢个咁有情怀嘅社区，就真系好值得大家花一个周末嘅上午去感受一下。