川川辣辣

营业中

休息中

午餐有一人份酸菜鱼，其实食过好多次，不过个小辣次次都有啲唔同。好似今日咁就系BB辣，对于唔系好食得辣，但又好想食酸菜鱼嘅朋友仔就啱晒。但有时个小辣又好似冇少到咁，似正常，辣到我成包纸巾都用晒。$72一个酸菜鱼餐，冻饮加$3。啖汤唔错，系我钟意嘅味道，入面嘅鱼冇沾粉，食落唔会成口粉，系啖啖鱼肉，食落都有7旧咁上下，有几条粗薯粉，可惜一夹就散，烟韧啲就好。个餐跟饭，改米粉，乌冬加$3。个饭就唔够软熟，次次都有啲位系硬，不过捞汤都OK。