一點心 (擺花街)

营业中

休息中

放咗工去咗中环行街，谂嚟谂去唔知食乜好，见有间点心新派专门店，就去试吓。舖位细细，以外带为主，有两张吧枱可供堂食。一入到店内被大大幅壁画吸引住，为传统点心带来活泼年青感。鲜虾菜苗饺外皮烟韧唔黐牙，自设厂房果然唔同啲，菜苗和虾肉比例啱啱好，用料十足。健康素菜饺素食者之选，馅料有菇类马蹄西芹红萝卜，爽爽地口感丰富。外皮同样烟靭，丰料珍珠鸡珍珠鸡贪佢细细只唔会太肥腻，一𠖥有两只，材料丰富，还有咸蛋黄在中心。鲜虾腐皮卷外皮松化，馅料丰富，材料新鲜，值得推介。总括嚟讲，传统点心年轻化，而且自设工场，材料品好，真心推介。