御滿屋日本料理

营业中

休息中

从来唔会对日式放题嘅食物质素有任何期望，但御满屋真系令我喜出望外。满屋早前改名为御满屋，旺角、荃湾、大埔都有分店，我今日试荃湾午市放题。放题分几个级数，我食最平嘅A餐，$238，中午十二点开店，可以食到三点落场为止。谂住最平𠮶餐一定冇嘢好食，点知就算系最低消，食物选择到极之丰富。🐟鱼生非常新鲜，🦐赤虾更加可以用大只来形容，虾头超多膏。加$10可以加一只大闸蟹🦀虽然系细细只不过都有蟹膏、鲜甜，十蚊真系超值。依家仲免费升级🇲🇾马来西亚烧榴梿任叫任食，而且叫咗好多转全部香甜多肉，真系净食榴梿都回本。另外仲有烧羊架、纽西兰西冷、烧乳鸽、煎比目鱼、烧牛舌等，全部高质。寿司卷物就正常发挥，火炙焦糖三文鱼甜甜哋好味。自助区仲有麻辣小龙虾，好受欢迎。呢个价钱已经包清酒啤酒梅酒等任饮。连🍨häagen-dazs同movenpick雪糕都系任食。出菜快、收碟快、食物卖相靓、永无扣单漏单、服务好、环境舒适，我畀御满屋满分。