茶木‧台式休閒餐廳 (MOSTown) (裝修中)

平时夜晚食茶木一定要等好耐,今日lunch time唔洗等就有得入去。点左个自选套餐($65)前菜: 皮蛋肉松豆腐,以为系平时食开台式有豉油膏𠮶种,但变左系辣椒油。见到咁红以为会好辣,反而觉得唔够味,豆腐都无咩豆味。主食:古早地瓜三杯鸡,卖相几好,地瓜有炸过,但略嫌太干。鸡件都嫩滑,加上有蒜头,姜,红椒一齐炒,好香,好惹味。红烧牛肉手作面,牛肉有两片,好入味,又够软,唔错。手作面有少少似刀削面,加埋汤底一齐食都好夹,但汤底油左少少。餐饮:黑糖冬瓜茶,好香黑糖味,唔系死甜。整体都唔错,坐得几舒服,但有六十几蚊食个lunch有少少贵。