鼎皇臭臭鍋 (已結業)

今日跟朋友介绍黎一尝呢个鼎皇臭臭锅，据讲系原自台湾，现座落尖沙咀金马伦道，离港铁站约5-8分钟，非常方便啊。喺对面马路已经比佢咁光猛嘅招牌吸引住，相当易揾。可能平日关系，加上时间尚早，人流不算太多。地方都几阔落，而且干净整齐，唔系地下湿漉漉果种。臭臭锅同养生锅共有8款，每款只系$118。如果午市时间，仲只收$88，而且一人一锅，唔驶同人share，够晒卫生。另加$8就可任选饮品，左起百香果芒果梳打、红枣桂圆杞子茶、盆栽奶茶及珍珠奶茶，各有特色。要食就梗系拣呢度嘅Signature招牌臭臭锅啦，配料够多猪大肠、金针菇、黑豚肉、米血糕等等主角就当然系令到佢够臭嘅臭豆腐啦，虽然样子跟普通豆腐差不多，但佢胜在够臭，钟意食臭豆腐嘅人，你懂的。最惊喜嘅就系佢竟然有鹌鹑蛋，我最爱呀。友人拣左酸菜鱼片锅，配料无招牌锅咁多，但佢有泡椒同酸菜，酸酸辣辣，够晒醒胃。呢个黑麻油鸡锅，采用啖啖鸡脾肉，配料有玉子豆腐、台湾米线、蚬等等，汤底用黑麻油，味道浓厚，认真吸引。懂得养生之道嘅朋友，就拣左呢款药膳羊肉锅，除左主角羊肉之外，配料仲有白萝卜、鲜冬菇、呜门卷、炸枝竹等等，值得一试呀。如果一定要食饭嘅朋友，另加$1