遇見花蓮

营业中

休息中

今日放左工又唔想咁早返屋企对住四面墙，就约左闺蜜去北角食晚餐。黎到呢间餐厅都几有特色就入去试下啦。首先叫左个小食垦丁脆鱼块(5件），呢个炸到金黄色卖相都唔错，外脆内软，一啖一口，非常过瘾。跟住点左个慢烤鸡腿起司蛋吐司，呢个份量都几足料，太阳蛋配烤鸡，非常好味，睇见都流晒口水，食落重有惊喜，真系几不错既选择。主食方面就叫左盐酥鸡卤肉饭，卖相同台湾料理一样，系香港都可食到正宗台湾美食，真系好感恩。味道都唔错。之后叫多个花莲一品臭臭锅小辣配薯粉，好大阵臭豆腐，识食一定系食佢，食起非常金香。劲大个锅份量十足。都系唔错既选择。饮品方面就选左鲜奶芋泥手工芋圆，下面有好多芋泥，口感一流。最后叫多杯鲜奶红豆手工芋圆，底层好多红豆同芋圆，唔算好甜，容易入口。芋圆味道都唔错，值得一试。