影片
更多
2021-12-04
912 浏览
用咗open rice咁多年，第一次有间餐厅俾我嘅体验喺：我必须要为佢写一篇详细食评。本人好钟意食sushi，所以每个月都一定会食2，3次omakase。我唔敢讲我喺呢方面有咩心得所以先大言不惭喺呢度写食评，因为今次嘅体验喺就算你冇食过omakase，你都会觉得恶劣。首先，讲服务，一到步有人求求其其接待咗之后就叫我哋企喺度等一下，执紧枱。我当日拎咗好大袋嘢，有位女士就话要帮我keep起佢。好啦，我对keep起佢嘅定义喺，你会揾个隐蔽嘅地方安置我嘅随身物品。可能系我公主病啦，我一入去，就发现果袋野坐咗我个位，而我后面有张凳就放咗唔知边个个袋。我唔介意你冇帮我放好，但你张凳，肥啲都坐唔到，到底放袋好定我坐好？同行友人背囊一样要放地下，又睇唔到你枱底有冇勾。后来有个男仔发现原来放咗袋我喺会冇位坐嘅，先帮我拎走咗袋嘢去「keep起佢」。好啦，讲完服务，入正题，讲食物。冇记错，得一个set，大概$1750左右一位。omakase嚟讲，单评论价钱，唔算贵。第一道喺象拔蚌刺身。哗!一阵雪藏味，好想知喺唔喺同宝达订嘅。之后果几碟，我相信我订市面上好多日本食材嘅质素轻轻松松都好过佢。然后鲍鱼肝酱都系重头
本人好钟意食sushi，所以每个月都一定会食2，3次omakase。我唔敢讲我喺呢方面有咩心得所以先大言不惭喺呢度写食评，因为今次嘅体验喺就算你冇食过omakase，你都会觉得恶劣。
首先，讲服务，一到步有人求求其其接待咗之后就叫我哋企喺度等一下，执紧枱。我当日拎咗好大袋嘢，有位女士就话要帮我keep起佢。好啦，我对keep起佢嘅定义喺，你会揾个隐蔽嘅地方安置我嘅随身物品。可能系我公主病啦，我一入去，就发现果袋野坐咗我个位，而我后面有张凳就放咗唔知边个个袋。我唔介意你冇帮我放好，但你张凳，肥啲都坐唔到，到底放袋好定我坐好？同行友人背囊一样要放地下，又睇唔到你枱底有冇勾。后来有个男仔发现原来放咗袋我喺会冇位坐嘅，先帮我拎走咗袋嘢去「keep起佢」。
好啦，讲完服务，入正题，讲食物。冇记错，得一个set，大概$1750左右一位。omakase嚟讲，单评论价钱，唔算贵。第一道喺象拔蚌刺身。
哗!一阵雪藏味，好想知喺唔喺同宝达订嘅。之后果几碟，我相信我订市面上好多日本食材嘅质素轻轻松松都好过佢。然后鲍鱼肝酱都系重头戏，食落又苦又有渣嘅鲍鱼肝酱我真系未食过，
啲渣大粒到唔洗微距都睇到，结果我哋求其食咗块鲍鱼就算。寿司方面，师傅刀工未到家，件件鱼都切到一忽忽。寿司饭好黏，饭嘅温度时冻时热，同每一件刺身都形成强烈对比。
最令我觉得唔可以接受嘅系小肌鱼，鱼身超级无敌「嚡」，我呑嘅时候发现有一条鱼骨，但已经太迟，同友人讲我觉得有骨嘅时候，佢仲问喺唔喺因为件鱼太「嚡」咋？可想而知，有几难食，都冇人谂过omakase嘅刺身居然会有骨。
接下来食果几件寿司我都小心翼翼，然后又俾我喺鳗鱼卷里面食到一条较粗身嘅骨。
到最后玉子烧，师傅好简单而隆重哋拎咗个刚刚烧完鱼嘅炭炉烧俾我哋食，以为玉子烧应该冇骨啦，一入口，冻㗎，果种冻系真系刚刚系雪柜拎出嚟嘅冻，绝对唔系室温。而成餐饭食咗整整3个小时，所有嘢都好慢好难食，唯一可取，应该喺不停可以refill嘅鳕鱼干。食完呢餐饭，我喉咙发炎痛咗好几日，医生话应该喺真喺鱼骨刺伤。本来放几日假要好好享受生日，安排好嘅饭局，每一餐喉咙都痛到食唔落。本身食好西应该喺为咗心情愉悦，慰劳自己，结果自讨苦吃，正宗贴钱买难受，总之，呢一次经历实在不吐不快。
张贴
