PizzaExpress (MOKO新世紀廣場)

营业中

休息中

唔想堂食迫人，喺Pizza Express外卖，咁啱见佢有双重虾肉意大利青瓜pizza再加啤酒special，一于叫来试吓先。另外叫咗一个外卖二人餐，沙律、小食加两个主菜，都只系$315 ，好化算。双重虾肉意大利青瓜pizza跟啤酒ComboPizza主要材料系青瓜同大虾，清清哋唔会太腻，感觉清新，而且大虾份量多，铺满成个Pizza，而青瓜焗完都唔会变干。再加埋啤酒主打零酒精，饮咗都冇罪疚感，和Pizza 一起饮好正。蒜蓉包未食已闻到蒜蓉香味，面包烟靭松化。Mixed 沙律主要有青瓜，车厘茄同沙律菜，够新鲜，分量足。蕃茄海鲜意粉材料有虾肉、蚬肉、八爪鱼、小元贝，车厘茄橄榄油，香辣蕃茄酱等等，少少辣几惹味而且海鲜材料丰富够新鲜，酱汁同意粉比例啱啱好。北京烤鸭薄饼有鸭胸、辣椒碎、青葱、青瓜，特色芝士同埋海鲜酱。相比之下呢款Pizza比较浓味，鸭胸够香，酱料够浓，「中」「意」Crossover，几特别。店员服务有善，值得再帮衬。