澳洲牛奶公司

营业中

休息中

数下手指，原来都有六年未黎过呢度食。见个FD听日走，就同佢黎呢度试下啦。下午三点几，都唔算多人既。都揾到个坐得落既位既。炒蛋、火腿呢个真系至尊啊，虽然成日食大记既早餐，但呢个炒蛋真系好食过大记好多。呢度既炒蛋都唔系加左太多牛油，都可以炒得咁滑，绝对唔可以同既炒蛋比。火腿都可以既，煎得几好食。多士系原块既厚多士，我特登要多油、因为多油系好食，而且多士好脆口。我真系好钟意食呢种厚多士，而家无乜机会有得食。叉烧通粉叉烧好多旧，通粉又够爽。而且个鸡汤汤底好清甜，真系好正。冻杏汁炖蛋难得黎到，就叫埋呢个食。个蛋好够滑，加埋杏汁就更好食。冻奶茶普普通通啦，今次就落得太多奶。而且个杯系之前既热饮杯size。呢餐真系好好味，又好饱。我最佩服既系呢度做野既效率，你食定野，唔使十几秒就帮你收左佢。难怪一日可以做到咁多转。好想再有下一次。希望我个fd去到北京继续努力啦。