至尊雲吞麵雞煲

营业中

休息中

屋企楼下就食到嘅高质鸡煲放题。朋友屋企新居入伙，夜晚谂住揾间鸡煲放题，可以尽情饮尽情食咁贺下佢，点知佢就话佢楼下已经有。首先环境好好，装修新净光猛，通风好足唔会焗住一阵鸡煲味。干净企理地板干爽，已经大大个信心。除咗鸡煲，其实都有好几款可以拣。我地就拣返个招牌鸡煲。辣度可以选择，味道浓淡适中，啱啱好。鸡件都偏向多肉嘅部位，鸡肉无过熟之余仲好滑，真系唔错。食一转唔够嘅朋友，可以无限续鸡煲，续到够皮先加汤打边炉。打边炉配料都好齐全，肉类就牛肉猪肉等等，海鲜就虾同青口等等。港式边炉嘅内脏类同丸类都有齐。另外特别欣赏嘅系佢地嘅炸小馒头系任食，同埋酱料档系有独立鸡煲酱去加。