茶木‧台式休閒餐廳 (創紀之城五期(apm))

营业中

休息中

茶木通常都好多人去排队，由此可见香港人几钟意台湾菜，我都唔例外，特别钟意食台湾嘅肉燥饭，今次我地黎到位于APM嘅分店，意料之中要等一阵位，大概半小时就可以入座，室内座位算多，而且都好整洁，今次我地拣左：溏心蛋肉燥饭（$65）溏心蛋好正啊味道适中，流出黎嘅蛋黄捞埋肉燥饭食，可以一解想念台湾肉燥饭嘅瘾，我觉得茶木同台湾嘅肉燥饭味道有九成半相似，薰衣草珍珠奶茶（跟餐加$9）薰衣草味唔系太出，几乎只系一杯普通嘅珍珠奶茶，珍珠烟韧弹牙，奶茶甜味茶味适中，食台湾菜点可以唔配一杯珍珠奶茶呢，草莓香草蜜糖砖块（$78）草莓有啲酸，砖块脆得黎有啲硬，上面嘅草莓味雪糕唔错，但系食一个都几滞，所以以上份量对我地两个人黎讲啱啱好。总括黎讲，如果挂住台湾嘅地道美食，黎茶木都可以解到吃货瘾。