生記粉麵

营业中

休息中

生记粉面嘅大肠米线简直一绝，佢嘅大肠全部清晒里面嘅肥膏好干净，食起上嚟罪恶感减少，大肠好食酸菜更好食，粒粒酸菜咬落去爽脆，又酸又甜非常开胃。佢最出名嘅当然系肉春卷，每次食米线我都会额外叫一条，仲有佢嘅蒜蓉辣椒酱真系冇得顶，加埋落呢个大肠酸辣米线简直系完美组合，以前喺路德围嘅雄记都帮衬咗好多年，后来佢结业，新闻都有报道，可想而知雄记当时系几咁出名，好彩大约一至两年后生记起大河道开返，味道保持返以前一模一样，听讲系以前嘅员工重开，所以先保留到原本嘅味道，我觉得仲好食过以前。