芽莊越式料理

营业中

休息中

认识芽庄系好多年前在芽庄中环分店, 朋友带我食蕃茄蟹檬, 一试便爱上了咁多年, 芽庄既蕃茄蟹檬暂时系我喺香港食过最好味。 今次约咗几个朋友在葵芳新都会广场, 见好耐都冇食过芽庄了, 又挂住蟹檬喇💕🔸河内鸡丝粉🔸汤底好够鲜味, 如果再多啲鸡丝就好喇。🔸炸莲藕鱼肉夹🔸本身莲藕同鱼肉系超夹, 莲藕既爽口加上鱼肉系无得输👍🏻🔸香煎墨鱼饼🔸够香口, 里面仲有好多墨鱼肉好有咬口。🔸香茅牛肉串烧🔸肉质唔韧, 味道啱啱好, 热辣辣铁板上, 仲有埋花生沙嗲酱。🔸芽庄炒饭🔸有点似扬州炒饭, 里面仲有类似台式既香肠, 好味道。🔸河内蕃茄蟹肉汤檬🔸我既至爱, 超浓嘅蕃茄汤, 连番茄都好淋同好入味好甜, 仲有蟹肉蟹丸鱼蛋等, 系一碗好丰富又好好味嘅汤檬。 虽然都好味, 其实我都有食过几间分店嘅番茄蟹肉汤檬, 我就觉得都系几年前喺中环分店嘅好味啲, 希望其他分店都可以保持水准啦~🔸牛油果卷🔸好清新, 食下煎炸野, 再食呢个牛油果卷中和返都几好。🔸芥兰苗🔸菜苗上有大量蒜片虾米配料, 加埋一齐食好味。另外, 大概店员比较忙, 无乜耐性解答客人问题, 点餐时有少少不耐烦。