德美壽司 (德民街)

营业中

休息中

放假晏咗起身，同女女到红磡德美寿司食lunch，去到未够12点，餐厅仍挂著「准备中」的牌子，但门口已有好几伙人喺度等开门。入到去待应好有效率咁安排好入座和点餐，我点了鱼子葱吞拿鱼腩茸饭，女女点了银雪鱼西京烧定食，两个套餐都附有沙律、味噌汤、茶碗蒸蛋同甜品；首先上味噌汤同沙律，沙律很清新，加上油醋汁，酸酸的够醒胃；番茄去了皮，很窝心，值得一赞，荼碗蒸蛋卖相略逊，表面不够平滑，有「沙孔」，唔系好够热，味道不过不失；鱼子葱吞拿鱼腩茸饭，很足料很新鲜，配埋只鹌鹑蛋，我怕鹌鹑蛋胆固醇高同埋唔食葱，一开始就拣起咗，吞拿鱼腩茸味道很鲜甜，完全唔使点wasabi；以免掩盖鱼腩茸鲜味，配上加咗香菇同调咗味嘅五味醋饭，丰富唔单调，增加层次感，美味极了，喺其他日本餐厅唔易食到。我试食女女嘅银雪鱼西京烧，银雪鱼肉质鲜嫩，够「企身」，火喉控制得啱啱好，仅仅熟，好滑，好juicy，御饭较松散，唔似日本米。甜品系雪米糍，系就系「行」咗啲，以七十零八十元嘅午餐，有咁嘅质素，又唔使加一，算抵食喇﹗待应们服务都很专业，有礼貌，而且效率很高，跟食客有交流，还逗得隔离枱小女孩很开心，亲切如街坊小店。