影片
更多
2003-12-21
67 浏览
同Cat小黑猫讲起巴式咖喱时, 突然想起唔知o系边张报纸见过葵涌有巴式咖喱食. 好彩o系OpenRice俾我揾到呢间. 礼拜六晏昼o系荃湾睇完高达展览, 即刻o黎o左呢度试o下.呢度位处打砖坪街同梨木道附近o既工厂区, 有唔少巴籍乡里o系呢头住同埋帮衬呢度. 舖仔细细似间外卖快餐店, 差唔多专做附近o既乡里生意为主, 餐牌o既菜式非常实际, 只系有多款咖喱碟头饭, 烧鸡, 同naan一类o既烤饼等. 系咁我都老实不客气, 叫个咖喱羊肉饭($25)试o下.咖喱羊肉饭有一中碗羊肉, 一碟白饭, 一碟沙律, 同埋一细碟薄荷酱. 羊肉够嫩够淋够入味, 咖喱个汁系小至中辣, 够浓又有少少油o系面, 望落有o的似铜锣湾鹅颈街市"惠记" o既咖喱(但系就冇咁油), texture同口感都好对版. 白饭唔系中式白饭而系印式o既basmati rice, 配巴式咖喱当然系好食过普通丝苗啦!碟沙律系切片o既生青瓜, 蕃茄, 洋葱同生菜, 点埋o的薄荷酱一齐食. 薄荷酱比尖沙咀印式餐馆o既较稀但较辣, 配沙律相当野味.呢度系我食过咁多次巴式咖喱以来最好食o既一次, 25蚊简直系超值! 用禾秆襟珍珠o黎形容呢
呢度位处打砖坪街同梨木道附近o既工厂区, 有唔少巴籍乡里o系呢头住同埋帮衬呢度. 舖仔细细似间外卖快餐店, 差唔多专做附近o既乡里生意为主, 餐牌o既菜式非常实际, 只系有多款咖喱碟头饭, 烧鸡, 同naan一类o既烤饼等. 系咁我都老实不客气, 叫个咖喱羊肉饭($25)试o下.
咖喱羊肉饭有一中碗羊肉, 一碟白饭, 一碟沙律, 同埋一细碟薄荷酱. 羊肉够嫩够淋够入味, 咖喱个汁系小至中辣, 够浓又有少少油o系面, 望落有o的似铜锣湾鹅颈街市"惠记" o既咖喱(但系就冇咁油), texture同口感都好对版. 白饭唔系中式白饭而系印式o既basmati rice, 配巴式咖喱当然系好食过普通丝苗啦!
碟沙律系切片o既生青瓜, 蕃茄, 洋葱同生菜, 点埋o的薄荷酱一齐食. 薄荷酱比尖沙咀印式餐馆o既较稀但较辣, 配沙律相当野味.
呢度系我食过咁多次巴式咖喱以来最好食o既一次, 25蚊简直系超值! 用禾秆襟珍珠o黎形容呢度o既咖喱都唔会有错.
张贴