616牛肉火鍋專門店 (翠怡花園)

营业中

休息中

呢排D朋友好得闲成日都话要出来见面，早排成日都话好忙唔得，难得大家都就到梗系出来吹水食饭，今次又系附近揾吓有冇好嘢食，去咗间专食牛肉嘅火锅店，贪佢有D牛肉部位系呢度可以食到，而且价钱合理来到梗系点番个牛板拼盘转牛杂汤底。汤底材料足，汤底牛味相当浓郁。买相得意，用心摆放每度肉位置系边个部位，种类几多又食到唔同部位，方便放落锅里计时间避免煮耐过肉变硬，真细心，原来叫拼盘仲有送蔬菜篮&乌冬面同汽水。除咗呢个拼盘外，仲叫咗其他限定部位食，先来系牛驼峰，肉质非常嫩滑食落超鲜牛味配埋秘制牛肉汁+甘桔汁，食落更加鲜味再来系金花趾，脂肪平均分布系每处地方，肉质爽弹牙，入口浸浸牛肉油脂系口腔里非常甘香，食到停口之后系自家牛肉饺，特制青柠汁，薄薄皮包住自家牛肉饺，肉质非常嫩多汁，点酱汁更开胃最后要埋熟牛腩，牛腩肉质非常肥美又松软。唔经唔觉食到饱，又要等下次。