FRITES Belgium on Tap (海濱匯)

营业中

休息中

以前食过佢其他分店，知道依间高质嘅西餐厅系牛头角附近开咗，决定要去试吓有冇分别。Lunch set有唔少选择，但我就拣咗最钟意食嘅青口。前菜可以拣沙律或者番薯汤，我就拣咗番薯汤，佢加咗少少姜令到个汤有啲辣味，系几特别，但系未必个个人都钟意饮。青口份量好大碗，佢用咗自家制嘅白汁煮青口，加咗蕃茄同洋葱等等嘅蔬菜，再将每只青口点落啲白汁上面非常之夹。佢个白汁好味到我全部都饮晒。另外佢配左一块面包，面包系有搽咗牛油用嚟煎过，用嚟点落啲白汁度食非常之好味。配菜仲有粗薯条，炸得非常之香，而且我钟意粗薯条有薯仔味。整体份量非常之足够，而且同之前其他食过嘅分店嘅水准都系一样咁高，绝对会因为挂住个青口而再返黎。