新興棧食家

营业中

休息中

新兴栈出左名食鱼粥，钟意食鱼粥嘅大部份都听过，好明显系老字号，我细细个，几十年前已经跟父母来过。讲真，之前装修过，都企理左好多。旧时太有特色，行过路过都惊跣脚，而家又干净左，加左冷气，都唔会好热，夏天我都接受到。后生仔就唔多嘅，佬味十足，捉埋另一半先肯来。不同鱼嘅部位都有，鱼片、鱼腩基本野不少得，仲有鱼卜、鱼云、鱼骨、鱼鲛、鱼尾都有，嗜鱼人士嘅佳音。仲可以配腰润、牛肉都系出色。粥底生滚，自由配搭。又有白灼或者姜葱煮今日另一半约左人，我就只身前来，平日都一样高朋满座，不过支公好易揾到位。点左个鱼腩滑牛粥，最钟意点呢个，冇咩细骨，得正骨，食得安心D。成碗粥配料非常多，鱼腩大大旧，都有五、六件，另有七、八片滑牛。跟埋生菜丝。碗粥有鱼味，够哂鲜味，唔会太稀又唔会太杰，粥底好绵，好味唔洗讲识途老马就知，姜丝、生菜等自取，仲有油炸鬼伴粥。其他例如爽滑鱼皮我都好钟意，仲有姜葱鱼腩等，又香又惹味。可惜今日得一条友。价钱见仁见智啰，我觉得值得，食个茶记都四、五十蚊啦。