百川薈

营业中

休息中

今日点咗3样嘢食。首先系鸡煲，鸡肉鲜嫩多汁，味道调得啱啱好，唔会太辣又唔会太咸，呢度嘅鸡煲真系好开胃，忍唔住都要食返碗饭捞埋啲汁食🤤🤤。食完鸡煲之后，服务员好贴心帮我哋加水。我哋就可以打边炉luuu🥳。呢款牛肉质地软嫩，肉味浓郁，每片都切得好平均好薄，涮过后依然保持鲜嫩多汁，真系一片接一片咁食，停唔到口。最后系牛肉炒通菜。呢道菜色香味俱全，牛肉滑嫩，通菜爽脆，两者完美结合，都系好适合配饭。今次的用餐体验唔止食物美味，服务仲非常周到。服务员会细心地搅拌鸡煲，确保每一口都均匀入味、唔黐底，令整个用餐过程更加愉快和无忧。总的来讲，鸡煲的浓郁、安格斯牛肉的鲜美多汁、牛肉炒通菜的清新爽口都令我哋好满意。餐厅性价比高，下次一定会再去食！美味：⭐️⭐️⭐️⭐️⭐️环境：⭐️⭐️⭐️⭐️服务：⭐️⭐️⭐️⭐️⭐️回头：⭐️⭐️⭐️⭐️⭐️ 百川荟 (佐敦)📍佐敦德兴街2号地舖