影片
更多
2021-06-22
2406 浏览
香港要食麻辣火锅有好多选择，因为有好多内地嘅过江龙，但如果想食麻辣火锅，大家又会唔会谂起台式𠮶种？我自己对香港嘅台式麻辣火锅印象系唔惊喜，唔辣又唔麻，所以平时都好少食，但今次介绍嘅呢一间，系台湾嘅过江龙，之前已经听过台湾人都话觉得好好食，系台湾最好食嘅台式麻辣火锅，所以今次冇理由唔试。呢间过江龙麻神麻辣火锅，喺台湾2014年开业，得两间分店，但几年已经名气贯彻港台影艺圈，而且被当地节目评为台北最难订枱嘅餐厅，喺佢哋嘅社交平台可以睇到好多明星打卡，好似周杰伦、萧敬腾、大S、梁家辉等。麻神系2018年过黎香港开第一间店，之前系铜锣湾同旺角都有分店，不过都相继结业，事隔大半年，麻神选址尖沙咀重开，呢家得返尖沙咀分店，台湾已经咁出名，当然嚟到香港都一样，香港店未正式开张𠮶时，郑伊健已经率先捧场，仲有大家认识嘅容祖儿、张智霖等。当中个个都争住去试既，系招牌传说中饮得嘅麻辣汤。台湾麻神嘅一间系中山区，外表系一幢老宅，因为佢系私人会所形式经营，所以系一位难求，古宅入边环境雅致，好似去朋友屋企作客咁，而另一间喺南京三路，环境就比较走大众化路线，环境光猛。地小人多嘅香港当然唔可以同台湾本店比，但网上睇过
香港要食麻辣火锅有好多选择，因为有好多内地嘅过江龙，但如果想食麻辣火锅，大家又会唔会谂起台式𠮶种？我自己对香港嘅台式麻辣火锅印象系唔惊喜，唔辣又唔麻，所以平时都好少食，但今次介绍嘅呢一间，系台湾嘅过江龙，之前已经听过台湾人都话觉得好好食，系台湾最好食嘅台式麻辣火锅，所以今次冇理由唔试。
呢间过江龙麻神麻辣火锅，喺台湾2014年开业，得两间分店，但几年已经名气贯彻港台影艺圈，而且被当地节目评为台北最难订枱嘅餐厅，喺佢哋嘅社交平台可以睇到好多明星打卡，好似周杰伦、萧敬腾、大S、梁家辉等。麻神系2018年过黎香港开第一间店，之前系铜锣湾同旺角都有分店，不过都相继结业，事隔大半年，麻神选址尖沙咀重开，呢家得返尖沙咀分店，台湾已经咁出名，当然嚟到香港都一样，香港店未正式开张𠮶时，郑伊健已经率先捧场，仲有大家认识嘅容祖儿、张智霖等。当中个个都争住去试既，系招牌传说中饮得嘅麻辣汤。
台湾麻神嘅一间系中山区，外表系一幢老宅，因为佢系私人会所形式经营，所以系一位难求，古宅入边环境雅致，好似去朋友屋企作客咁，而另一间喺南京三路，环境就比较走大众化路线，环境光猛。地小人多嘅香港当然唔可以同台湾本店比，但网上睇过其实香港铜锣湾分店环境系几高雅，枱同枱之间有屏风格住，可惜未去到就已经结业。而今次佢嘅尖沙咀分店，装修风格同铜锣湾完全唔同，黑色主调，以水泥墙营造粗犷嘅感觉，简约雅致，环境唔算光猛，环境算宽敞，有唔同既卡位雅座，不过有有独立房间可以预订。虽然冇以前既高层靓景，但依然用心配搭。
之前系网上见到佢地有个$688既海鲜2人餐，套餐会锅底、松阪猪、翠绿时蔬拼盘、纽西兰刀贝、蛏子皇、澳洲青口、南非八头鲍鱼、迷利牛肉盛、稻庭乌冬、两杯特饮，有次即日打去订位时问，店员个时同我讲个样要早一日订先有，要时间准备啲海鲜，之后第2次再打过去BOOK位时订埋个餐，另一个店员就话个餐已经无左，得返散嗌，令到我好混乱，最后去到都系嗌叫，事后上网揾资料，呢个餐应该只供应到今年1月底，系重开回归既限定火锅套餐。
睇过餐牌，火锅配料尽量同台湾店睇齐，肉类会比台湾多、更讲究。至于丸类同饺类就迁就返港式口味，好似有手打丸、韭菜饺、手打濑尿虾丸等。海鲜方面有鲍鱼、扇贝、海虾等供应。而蔬菜有提供冰菜、萝卜片、莴苣片(台湾A菜)、南极冰藻、台湾水莲菜等，都系好多台湾先食到或者平时食唔到既特别蔬菜。
-
1️⃣ 麻神麻辣锅底 💰149（👅: 9.5/10）
麻神麻辣锅底
$149
17 浏览
1 赞好
0 留言
今次叫左个鸳鸯锅黎试，见到OPENRICE有优惠，可以用5折优惠($149)买到呢个麻神麻辣锅底加花胶鸡锅汤底。
麻神最招牌嘅一定系呢个汤底，平时大家饮到嘅麻辣汤底，多数都系用猪牛熬制，再加上厚厚嘅红油。而呢度嘅汤底，系老细用左七年时间研发出嚟，系用生果、蔬菜、辣椒、药材、花椒、八角、同自家秘制辣椒酱熬三个钟制成，花椒、八角、 辣椒呢啲香料都系台湾直送，所以连素食人士都可以试，标榜系可以直接饮既麻辣汤，做到只麻你口、不辣你喉既境界。而为咗保持水准，汤底每日都会比最少三位员工试饮，而且因为佢哋对自己汤底好有信心，唔会有调味架，令大家去食到麻辣汤天然味道。
平时食麻辣火锅既汤通常都唔会饮，因为通常都好辣，一系就好多油，呢度同台湾风格一样，入座时店员会建议客人未食野前可以直接饮用汤底，呢个汤未饮已经闻到香味，饮落系浑厚，唔会净系得辣味，饮得出有药材既小小苦味，药味醇厚，饮落系好顺喉，而且其实唔算好辣都唔算好麻，少麻BB级辣，唔会话太多辣油饮到会咳，饮落系非常温和，唔会觉得好腻，最特别系带一种香甜既味道，饱和既甜韵，感觉好似加左酒糟提味，暖胃又唔觉燥火，咸浓回甘，成个汤饮落系有后劲、有层次，食过好多香港既台式火锅，麻辣汤都系无特别，就算算系好食既麻辣汤都唔会直接就咁饮，呢间系好饮到我得闲无事就会舀黎饮，全晚最惊喜就系呢个汤底。
如果野食入味，基本上连豉油都唔驶点，要挑剔既系汤底既食材唔多，只有两件鸭血两件豆腐，鸭血豆腐都无得无限添加要另外加钱。
蜂巢豆腐都不惶多让，食落弹软多汁，非常吸汤，非常入味，咬开时见到豆腐均匀密麻既气孔，难怪食起来口感咁轻盈舒服。
另外值得一赞既系店铺系加汤而唔系加水，所以麻辣汤唔会话因为加左汤之后味道变到好淡，至少我到卖单都仲饮紧汤，如果大家钟意浓汤重味啲，不妨唔好加汤住，当汤得返好小个时汤底会极为浓郁，味道加倍。
-
2️⃣ 花胶鸡锅汤底 💰0（👅: 9/10）
呢度既花胶鸡锅汤底系用鸡壳、鸡骨、鸡肉熬十几个钟，再加上花胶，汤底呈金黄色，饮落非常自然，味道好够，清甜而且满满骨胶原，滋补养颜，系好浓郁好饮既鸡汤，鸡油味香，都系我打咁多次边炉饮过最好饮既花胶鸡汤，略嫌汤底既食材唔算多，只有4件鸡同2件花胶。
花胶大块，咬落烟韧，啖啖胶质，鸡肉食落嫩滑。成个汤底都好似麻辣汤系咁饮，完全唔会觉得口渴同腻。如果大家钟意好浓既汤鸡，可以唔加汤住，鸡味会极浓郁，不过同时都会越黎越咸。
-
3️⃣ 果冻鸭血 💰0（👅: 9.5/10）
果冻鸭血
16 浏览
1 赞好
0 留言
果冻鸭血同麻辣汤底都系台湾直送运来既食材，用真空包装后空运来港，果冻鸭血都系麻神嘅招牌，如果叫麻辣麻神汤底，入边会有两旧，另外可以单点，$88一份。
呢度每件鸭血都经过48个钟冲、浸、泡、卤等工序，而且早一日已经浸系麻辣汤入面，尽吸精华。舀起一件鸭血，外表系光亮滑溜，轻轻一笃，有回弹力。建议用刀叉食，因为用筷子夹可能令汁液流走。鸭血食得出系有卤过，食落唔系好硬好种，而系非常Q弹，入口充满弹性，但又有入口即融既感觉，好似真系食紧果冻咁，卤得非常入味，充满香浓既汤汁，而且食落系饱满札实，而唔系食落松散，如果系一啲冷冻过既鸭血，煮个时其实就会见到有啲空洞，但呢个完全系冇窿，证明系新鲜整出嚟。我本身唔系特别好鸭血，可能平时食到既都系唔够新鲜、入味，一系就无入口即融，呢个系我食过最好食、最惊喜既鸭血，即使系我都会想加点。
-
4️⃣ 松阪猪 💰166（👅: 8.5/10）
松阪猪
$166
18 浏览
1 赞好
0 留言
松阪猪咬落爽中带嫩，入口鲜甜，肉味甘香，有厚度，有嚼劲，肥瘦岩岩好，以打边炉食到呢种猪肉绝对唔常见，如果可以再厚一啲就更满足。
-
5️⃣ 翠绿时蔬拼盘 💰78（👅: 8.5/10）
翠绿时蔬拼盘
$78
5 浏览
1 赞好
0 留言
呢个时蔬拼盘有6-7种蔬菜，所有蔬菜食落都够新鲜，当中最惊喜既就系香港好小食到，由台湾直送既冰菜，即使揼咗佢落个锅入边煮，罗上嚟仲可以见到有啲好似珠珠雨露咁嘅水滴包围住冰菜，其实呢啲雨珠唔系厨师故意点缀，而系一种泡状细胞，系叶肉种分泌出来既盐分，用黎保护植物自身。
冰菜非常之好食，食落又腍又嫩，脆嫩爽口，入口即化，唔驶用力咀嚼，叶肉够肥厚，水分很足，自带小小咸味，咸味正正就系黎自啲雨珠，无需要额外添加酱汁，打边炉黎讲简直一流，未食过咁好食既菜，听讲仲好养生。
-
6️⃣ 牛舌芯 💰128（👅: 8/10）
牛舌芯
$128
3 浏览
1 赞好
0 留言
牛舌芯发挥正常，食落唔韧几爽口，牛味就唔算好重，虽然份量好似好多，略嫌太过薄切，食牛舌自己钟意厚切啲，食落会满足啲。
-
7️⃣ 纽西兰刀贝 💰138（👅: 8/10）
纽西兰刀贝
$138
4 浏览
1 赞好
0 留言
-
8️⃣ 科学王子面 💰44（👅: 8.5/10）
王子面系台湾出产嘅公仔面，听讲佢系麻神麻辣汤底嘅绝配，所以叫咗黎试。
科学王子面
$44
4 浏览
1 赞好
0 留言
麻辣酱
5 浏览
1 赞好
0 留言
-
9️⃣ 社交平台Sake 💰0（👅: 7.5/10）
社交平台 Sake
8 浏览
1 赞好
0 留言
-
🌟食物方面，我觉得最出色就系汤底，成晚系咁饮唔叫𩠌我都满足，除咗汤底，最有惊喜就系鸭血、冰菜同王子面，肉类同海鲜其实好食，不过就相对冇咁惊喜，所以如果下次我再黎食，就只会叫麻神麻辣锅底、花胶鸡锅汤底、鸭血、冰菜同王子面，咁样都够饱因为佢系咁饮汤，cp值会提升唔少。另外会想试手打濑尿虾丸，呢样系香港限定菜色，系麻神香港店特登请电影《 食神 》创出爆浆濑尿牛丸既师傅，亲自手打出既爆浆濑尿牛丸，将濑尿虾肉包系牛丸入面，非常吸引。
汤底既总结系，佢系一个好好饮嘅麻辣汤，但唔会太麻或者太辣，但如果你系追求好似四川个种超辣超麻嘅麻辣汤，咁依种唔系好适合你，呢间火锅都未必适合你，因为佢哋个主角系汤底同鸭血。
有次系citysuper行过见到，原来有得买麻神嘅麻辣汤底，而且仲有麻辣汤底连果冻鸭血，鸭血非常之大罐，应该够4-6人食，食完今次令我有冲动去买黎屋企同朋友食，但如果嫌麻烦，其实好似我咁净系叫上面𠮶几样嘢食，都已经足够而且唔太贵。
服务方面，店员算心有礼，入座之后就提供酱料，等我地好好调教酱汁。因为台北麻神最初系以私房招待所形式开设，每枱都有一位专人代灼，保证食物唔过火。黎到香港，自然无左一枱一侍应既服务，不过每个侍应都只系服务4张枱，而且会教客人灼牛肉同王子面既秘技，而且有台北店派来既店员指导香港店员灼牛肉既技巧。而且当我唔知食紧既系咩蔬菜，店员都细心讲解。
如果大家唔想太heavy夜晚食火锅，麻神午市有一个一人一锅店，$66包自选3个配菜、1款汤、1款面、1杯饮品，非常抵食，虽然配菜食唔到呢度好食既高质肉好似松阪猪，汤底都唔系佢地既招牌麻神麻辣锅底同花胶鸡锅汤底，不过汤底有得拣酸菜鱼、药膳醉鸡锅等，$66食到一个够食饱既一人锅，夫复可求，而且系呢个疲情未稳定既时期，一人锅都系一个安全啲卫生啲既选择。
同台湾店相比，台湾店环境配套非常好，好贴心的系梁柱上安装手机架，有插座可以充电，而餐桌上有一小块好似刻章木头，四个面都有唔同需求字样好似打包、加汤、点餐等，只要翻到需求既字样面向上，服务人员唔驶问就知道客人所需，设计很贴心，客人只需要专心嗑锅聊天，唔驶东张西望揾店员。不过台湾既麻神麻辣火锅因为太过人气，一位难求，所以限制110分钟用餐时间，而且每位有最低消贵600台币，晚餐尖峰时段更加每枱低消2400台币。但最少一间过江龙黎到香港，食秒质素都保持到，而且系有惊喜，难怪麻神麻辣火锅系台湾开业近十年，网路评价累积近五分既满分，而且建议用西式刀叉品尝果冻鸭血去打响名号，打造左台北高端麻辣火锅既形象，将可以饮既麻辣汤、Q弹果冻鸭血既台式火锅文化带入香港，话佢系香港食过最好食既台式麻辣火锅、甚至领导台湾饮食潮流既佼佼者，一啲都无哗众取宠。
-
👅味道: 9/10
🍴环境: 7.5/10
💰消费: $502 (服务费: 10%)
张贴
