盛記粥麵

营业中

休息中

陪朋友去广华医院探病，有啲肚饿行咗去花园街揾野食，去咗间粥面店，天气冻食碗粥暖下肚都好，盛记粥面之前系佐敦食过好好味，今晚就试吓呢间。餐厅地方干净，灯光明亮，座位都舒服。盛记招牌云吞面：汤底真材实料，用大地鱼、虾壳、猪骨、金华火腿和罗汉果熬制而成，味道清香鲜甜，云吞馅料用肥、瘦猪肉、鲜虾仁，再加入大地鱼碎同蛋黄，金鱼尾形状的云吞粒粒饱满，口感滑溜又爽口。面条弹牙爽口。盛记艇仔粥：粥底绵滑，材料上乖，非一般嘅约艇仔粥，有鱼肉片、海蜇、鱿鱼、瘦肉等非常足料，食落爽口鲜甜又绵滑多重口感。炸鲮鱼球： 即炸热辣辣，味道甘香爽滑，醮蚬芥食特别和味。鲜虾肠外貌晶莹剔透，鲜虾大只爽口，加点酱油味道鲜甜。冻咖啡甘甜顺口。冻豆浆有一股浓浓的自然豆浆香，而且入口顺滑。