米走雞 (太子藍馬之城)

营业中

休息中

今日同大家嚟到太子蓝马商业大厦二楼食好西。今日主打要试嘅就系“米走鸡“嘅黄芝士鸡煲 $178。一上碟已经闻到芬香扑鼻嘅芝士味， 鸡件沾满了芝士，十分邪恶但系十分好味。鸡件嘅肉好滑， 一啲都唔会觉得好漏嘅，而且鸡件嘅份量亦都十足 ，基本上一个二人锅都够晒食。 食晒鸡件之后，仲可以加入芝士汤打边炉， 呢个市面上嘅选择唔多，几有新鲜感。感觉就好似港式嘅芝士火锅配料。 打边炉配料我哋就嗌咗猪颈肉$88。都见到猪颈肉有一定嘅厚度，肉质好爽口弹牙。 之后又点少得我个人最喜欢嘅芝心丸$24。芝士汤底加芝心丸简直就系双重享受。 我哋亦都叫咗炸鱼皮$48。 同芝士汤底系一个新鲜配搭。另外仲叫咗鲜虾云吞$48。馅料有原只虾肉， 今日芝士汤底有另一番风味。 另外个人推介嘅就系哈哈虾中宝$63。份量十足，大量虾胶入面仲包裹住原只虾肉，加埋蟹籽又多一重口感。整体嚟讲咪走鸡嘅鸡煲做得出色。汤底都有很多选择，钟意食鸡煲打边炉嘅朋友不妨去试下。