睿海御宴 (已結業)

大坑美食众多，今次朋友就约埋我去到一间中菜馆食晚餐，装潢比较新潮特别，楼梯位更有特色壁画可以欣赏。今次一行两人，安排我地坐卡位，十分宽敞舒适。友人发办叫咗几款小菜，首先系香脆诱人嘅柚子脆虾球，大大件虾球炸至薄脆，口感爽弹细致。柚子酱酸甜清新，让人回味无穷。奶白香滑嘅黑松露海皇炒鲜奶都比较少见，配搭黑松露酱都几夹，内里仲有带子同虾肉粒，十分鲜味。我地仲点咗镬气十足嘅自家制XO酱和牛炒陈村粉和牛香浓又腍嫩，陈村粉几滑又入味，如果XO酱香味再出啲就更正。当然不少得点一款时菜，上汤杞子云耳浸豆苗份量都几多，颜色翠绿，食落都好嫩。饮杯茶再食小菜，与好友度过了一个开心嘅晚上。