熊小館

营业中

休息中

每次去mega box都系去个几间，想揾啲新野，见到pizza隔离原来有间熊小馆，呢个位置比较难见到，但大大只熊好易认到。入到去见到好多一家大细，呢度枱同枱之间好阔落，好适合有小朋友既家庭，仲有个玩具图书阁。我地叫左一个二人餐，点左个洋葱圈，猪条骨同芝士蜜桃去骨鸡腿焗饭，餐饮呢就叫咗柠檬草气泡茶，同埋红豆爆谷，个柠檬草气泡茶好特别，因为唔系好多地方有香矛做特饮，仲加左7喜，好新鲜既配搭。呢个二人餐仲包左餐汤同面包条，个汤有好多疏菜，非常足料，仲配埋个蒜蓉包。个洋葱圈好有睇头，个个都拳头咁大只，外脆内香。食左几块都开始饱饱地，猪仔骨黎啦，好大份，仲配埋薯条同沙律，男友帮手切开，好冧好易切，而且轻易就骨肉分离，唔会食到好狼狈咁，配埋个蜜汁同烧汁，好好味。最后个焗饭后到我地都有啲饱，不过见到厚厚芝士同蜜桃呢个配搭，又继续食，都食左大半。最后上埋甜品木糠布甸同埋加18转既心太软，真系大满足，个心太软超正，一切开就系咁流朱古力浆，工作苦闷个阵最想就系食心太软啦。