御名軒

营业中

休息中

父母忽然想出去食晚餐，谂起天后有间一出地铁就到嘅酒楼，中式晚餐一定岩佢哋口味。食中菜点少得烧味做头盘，叫咗「叉烧并烧腩仔」，烧腩肉皮够脆，但都唔够叉烧正！完全估唔到呢度叉烧肉厚而松软，加埋个超香甜嘅蜜汁，令我食到停唔到口！！踏入四月开始转季，天气闷热，一家人叫咗个「海皇炖冬瓜盅」解暑，估唔到份量劲大，材料除咗有冬瓜粒，仲有鲜虾、蟹柳粒、金华火腿...汤底非常清甜，饮完即时觉得fresh晒！「茄汁海虎虾」极惹味，厨师将虎虾外壳炸到脆口，但虾肉咬落仍然弹牙，配上酸甜茄汁，非常开胃！「乳香藕片鲜鱿」南乳味恰到好处，鲜鱿藕片两者都有咬口，唔错嘅小菜。令我最期待嘅「红酒烩牛尾」果然无令我失望！牛尾相当入味，而正都系个汁，用嚟捞饭一流！食到尾声当然要食返碟菜，呢碟「马拉盏通菜」味道极浓，钟意偏咸嘅爸爸就最buy！晚饭后当然唔少得甜品，我哋叫咗「杨枝金露」、「芒果布甸」同「桂花红豆糕」，全部都几清甜，为呢餐晚饭画上完美句号。