影片
更多
2019-10-21
208 浏览
铜锣湾系食omakase嘅热门地点之一今次就拣咗间价钱算入门级嘅试下😛地点非常方便 地铁站一出行几步就到一出䢂就见到门口 唔驶犹豫行入去就啱㗎喇因为全层都系佢哋入面有吧枱亦有普通枱 但食omakase喇㖞就紧系要坐吧枱对正师傅啦😌晚市系只供应omakase嘅但都有5个餐俾大家选择 丰俭由人而今次笔者就拣咗$1200嘅餐小试牛刀先😆后来同师傅倾开计 发现佢哋嘅午市都好吸引价钱仲相当亲民添✨先付3点首先食素翅：用酸嚟调咗味 先用嚟开一开胃酸味适中 素翅较粗身亦都好有咬感跟住系汁煮牛舌：牛舌非常厚切 口感非常好系调味上咸咗小小最后再食白粟米：白粟米好清甜 口感爽脆用嚟清一清味蕾✨刺身6点三重县珍蚝：只蚝虽然唔系巨型但都一啲都唔细加咗柠檬汁同酸汁提一提味 令到蚝嘅鲜甜味更加突出只蚝亦都相当肥美 感觉creamy最后嘅回甘有浓浓嘅蚝味连一向唔食得生蚝嘅笔者都觉得佢好味阿😋薄切间白𫠒红鱼：鱼片加埋新鲜紫菜再点埋个特制酱汁酱汁带少少青柠味 食落好清新而鱼嘅质感系带小小张口嘅梳之鱼（其实唔知系咪咁写🙈）：连埋炸大葱同芽葱一齐食 食落有少少辣师傅话系因为加咗柚子胡椒 用嚟带起鱼味钟意嘅话亦都可以加啲wa
今次就拣咗间价钱算入门级嘅试下😛
地点非常方便 地铁站一出行几步就到
一出䢂就见到门口 唔驶犹豫行入去就啱㗎喇
因为全层都系佢哋
入面有吧枱亦有普通枱 但食omakase喇㖞就紧系要坐吧枱对正师傅啦😌
晚市系只供应omakase嘅
但都有5个餐俾大家选择 丰俭由人
而今次笔者就拣咗$1200嘅餐小试牛刀先😆
后来同师傅倾开计 发现佢哋嘅午市都好吸引
价钱仲相当亲民添
✨先付3点
先付3点
7 浏览
0 赞好
0 留言
首先食素翅：
用酸嚟调咗味 先用嚟开一开胃
酸味适中 素翅较粗身亦都好有咬感
跟住系汁煮牛舌：
牛舌非常厚切 口感非常好
系调味上咸咗小小
最后再食白粟米：
白粟米好清甜 口感爽脆
用嚟清一清味蕾
✨刺身6点
刺身6点
6 浏览
0 赞好
0 留言
三重县珍蚝：
只蚝虽然唔系巨型但都一啲都唔细
加咗柠檬汁同酸汁提一提味 令到蚝嘅鲜甜味更加突出
只蚝亦都相当肥美 感觉creamy
最后嘅回甘有浓浓嘅蚝味
连一向唔食得生蚝嘅笔者都觉得佢好味阿😋
薄切间白𫠒红鱼：
鱼片加埋新鲜紫菜再点埋个特制酱汁
酱汁带少少青柠味 食落好清新
而鱼嘅质感系带小小张口嘅
梳之鱼（其实唔知系咪咁写🙈）：
连埋炸大葱同芽葱一齐食 食落有少少辣
师傅话系因为加咗柚子胡椒 用嚟带起鱼味
钟意嘅话亦都可以加啲wasabi 不过呢款系淡味鱼 唔添加太多嘅味直接食就已经好够
梅福包左口鱼：
呢个系相当有惊喜嘅🤩
食法系好似汉堡包咁夹住食
味道同口感都好丰富 酱系海胆鱼子黑松露
食到晒三样野嘅味
口感有滑身嘅鱼肉 软绵绵嘅海胆 脆卜卜嘅蟹子鱼子同爽脆嘅梅福
真系非常好食🤤🤤🤤
师傅话贵餐食法系食完再加寿司饭捞个汁
的确就咁用嚟捞寿司饭已经好好食
有呢个酱汁 笔者应该可以轻松食晒一碗饭😆
粒贝角螺：
师傅话落咗岩盐唔需要再落豉油
笔者非常喜欢呢个刺身😍😍😍
因为真系超爽口同埋鲜味十足
建议唔好落芥末 会遮咗啲鲜味㗎
紫菜包拖罗：
拖罗同紫苏叶有几夹有几好食相信都唔驶笔者再多讲啦🤤
✨一品料理
一品料理
4 浏览
0 赞好
0 留言
生烧鳗鱼：
个皮第一啖咬落系脆嘅 鳗鱼嘅油脂味好出
粟米仔都好好食 又甜又咸又好香 一啲草青味都无
汁煮魔鬼鱼翅：
甜甜地嘅汁 边位有胶质滑嘟嘟 鱼肉都滑
最后笔者连个鳍位嘅软骨都食埋hahahaha
建议唔好点太多汁 会遮咗鱼嘅鲜甜味
✨寿司6贯
寿司6贯
65 浏览
0 赞好
0 留言
食到呢到 大家有机会已经饱饱地
师傅亦都会好贴心咁问大家寿司需唔需要少饭
而笔者全部都系正常饭量 俾大家参考一下
深海池鱼：
鱼味香浓肉质弹牙 再加果香同大葱作点缀
味道多层次
北海道银鳕鱼：
师傅话呢个系专作刺身用 只系经过零度处理
呢个又系令笔者超惊喜🤩🤩🤩
因为真系好滑好滑好滑 好似食紧啲鱼腩位咁
九洲活赤贝：
非常新鲜 不过可能之前𠮶啲太惊艳
呢个个惊喜就少啲咁啦😛
烧右口鱼鱼边：
呢个好似平均食嘅左口鱼群边咁
好油好香好滑
中拖罗腌渍鱼子酱加自制菜甫：
菜莆加木鱼丝带出鱼嘅鲜味 取代豉油
拖罗加鱼子 一个字：正啦紧系
海胆和牛肩：
压轴出场 紧系有佢嘅厉害之处啦
师傅过一般最后𠮶件寿司都会系俾海胆嘅
但佢个人就钟意呢个食法多啲 所以就特登俾我哋试下
呢个配搭真系不得了 当然本身两种食材都系好顶级嘅
和牛香同鲜海胆味劲夹 互相辉映而唔会遮咗对方啲味 呢个真系超级好食阿!!!!!!!😍😍😍
大家食寿司之余 都希望大家可以试下佢哋嘅寿司姜
寿司姜
3 浏览
0 赞好
0 留言
因为系自家制嘅 师傅话啤水啤足十个钟嚟减低辣度
口感好爽脆 姜嘅香味好浓郁但又唔会太辣
✨御椀
御椀
24 浏览
0 赞好
0 留言
鲜鱼浓汤：
本身上枱系无加葱嘅 但师傅推介加葱一齐饮更加好味
无葱嘅鱼汤就单调啲 加埋葱就味道丰富啲
同埋啲豆腐都好滑🤤
✨甘味
甘味
34 浏览
0 赞好
0 留言
绿茶蕨饼：
好浓嘅绿茶味 蕨饼烟烟韧韧
青柠蒟蒻：
好香嘅青柠味 好啱用嚟中和啱啱蕨饼嘅甜
日本蜜瓜：
好甜好甜好甜😚😚😚
最后师傅话请埋我哋食雪糕
系wasabi味 好新奇嘅味道
食到wasabi嘅香味之余又食到奶嘅甜味
想挑战嘅朋友建议大啖大啖咁食😆
最后想讲omakase除咗食食材嘅新鲜度之余 师傅嘅功力都相当重要
笔者相当欣赏师傅嘅手艺同创意
觉得好值得推介俾大家
而且笔者食嘅野其实有啲系超出咗笔者拣嘅餐 但师傅唔会因为你拣咗咩餐就千篇一律咁俾𠮶个价位嘅野食俾你
师傅真心地为大家准备一个美食之旅
所以如果你心郁郁想试下omakase嘅话 非常推荐你去鮨秀揾梁师傅👍🏽👍🏽👍🏽👍🏽👍🏽
张贴
