影片
更多
2017-03-06
1966 浏览
近期，跟法国菜都有少少缘份，年初才到访过Les Saveurs Private Kitchen，同朋友贺新年；之后，晌Upper Modern Bistro食过一餐美味午餐，今晚嚟到Chez Moi Private Kitchen，喺食友试过之后嘅极力推介，$480五道菜嘅晚餐，以法国菜而言，绝对喺好相宜。餐厅位处开平道1号 Cubus 11 楼，一打开电梯门，就感受到柔和富情调嘅气氛，由门口申延到整间餐厅，一室暗黄嘅灯光，散发出一份暖和嘅感觉，无咩特别奢华装饰，却晌朴实中显出高雅。枱与枱相距阔落，所以，空间感十足，全无局促之感。除一出电梯门见有个贵宾厢房外，再走入啲，餐厅尽头，有见另一个厢房，目测所见可容纳16人，但就无详问包房费用要几多。当晚所见，无人包房，故亦作为供散客之用。餐枱放置蜡烛灯、小盆栽，都喺令气氛更闲适嘅小点缀。身旁入墙嘅酒柜，摆放好多橄榄油，无睇真啲仲以为喺餐酒喔。上文都讲过餐厅主打喺五道菜嘅晚餐，实行贵精不贵多，晚餐包括头盘、餐汤、间场嘅雪葩、主菜及甜品，另奉上餐饮。此外，亦有芝士拼盘、冻切肉肠、生蚝供应。香草蒜蓉法包餐前先嚟啲日香蒜法包，法包带微温，烤得香脆，充
餐厅位处开平道1号 Cubus 11 楼，一打开电梯门，就感受到柔和富情调嘅气氛，由门口申延到整间餐厅，一室暗黄嘅灯光，散发出一份暖和嘅感觉，无咩特别奢华装饰，却晌朴实中显出高雅。枱与枱相距阔落，所以，空间感十足，全无局促之感。
除一出电梯门见有个贵宾厢房外，再走入啲，餐厅尽头，有见另一个厢房，目测所见可容纳16人，但就无详问包房费用要几多。当晚所见，无人包房，故亦作为供散客之用。
餐枱放置蜡烛灯、小盆栽，都喺令气氛更闲适嘅小点缀。身旁入墙嘅酒柜，摆放好多橄榄油，无睇真啲仲以为喺餐酒喔。
上文都讲过餐厅主打喺五道菜嘅晚餐，实行贵精不贵多，晚餐包括头盘、餐汤、间场嘅雪葩、主菜及甜品，另奉上餐饮。此外，亦有芝士拼盘、冻切肉肠、生蚝供应。
香草蒜蓉法包餐前先嚟啲日香蒜法包，法包带微温，烤得香脆，充满蒜蓉香，又切得细细，好易一件接一件喺咁食。不过，个人较喜欢喺啲唔同特色嘅面包，配个面包篮，盖上白布，咁先有格调衬番啲高级餐厅嘛！
头盘共有3款，款款都好有睇头，经理推介佢哋个煎鹅肝，话食过嘅客人都赞，所以，煎鹅肝喺稳胆。由于，拣咗一客高胆固醇嘅头盘，所以，另一客就拣个清新啲嘅牛油果作平衡。
蟹肉牛油果千层面蟹肉牛油果塔，再配点新鲜沙律菜，一身绿油油，卖相非常清爽。咪睇见千层面就以为会好饱肚，始终喺头盘，千层面只喺薄薄一片放晌塔面，而牛油果够晒熟，软腍绵滑；混入嘅蟹肉虽然唔算得好多，晌上菜时经理已略作介绍，话蟹肉喺即日新鲜货拆肉，果然鲜甜无比无欺场。
香煎法国鹅肝伴焦糖苹果配砵酒汁不愧喺招牌，鹅肝嘅口感，苹果嘅甜酸，酱汁嘅味道，都做得恰到好处。先讲件鹅肝，够厚身，外脆内软喺基本要求，入口油香丰腴，砵酒汁嘅酒香令味道更具层次，而伴住底下啲焦糖苹果，酸甜味产生极佳嘅去腻效果。此外，侧旁件小圆饼，甚具咬口，混有红枣、果仁、果皮……等，清甜得嚟有啲似麦纤果仁条，有趣！
香煎法国鹅肝伴焦糖苹果配砵酒汁
23 浏览
1 赞好
0 留言
鲜虾浓汤餐汤只有一款，好嘅就喺唔使烦拣乜，唔好嘅喺万一有客人对虾敏感，就无福消受。经理又介绍到佢哋个浓汤晏昼开始熬，唔单啲用料新鲜，更熬得够火喉，用上大量鲜虾连壳，保证浓郁，果然所言非虚，浓到好似啖啖鲜虾放入口咁，虾肉亦都爽口弹牙，用料、手势都上乘。
鲜虾浓汤
20 浏览
1 赞好
0 留言
自制雪葩落到下一道主菜前，先以雪葩清清味蕾，喺食法国菜嘅几指定动作，芒果味雪葩食落似雪糕多过雪葩，因为冰感唔太重，但芒果味非常香浓。
主菜共有5款选择，牛扒故然喺心水之一，但都要拣拣肉眼定西冷好，最后选西冷，因为风干（Dry Aged）西冷较少食。另外，酿鹌鹑同样好少接触，极之有兴趣。
炭烧美国风干西冷扒配红酒汁肉眼就比较肉味重，西冷就以软腍见称，不过，风干过嘅西冷唔单肉质保持到软腍，落刀切𠮶吓，已感受到好有弹性，而肉味绝对不逊色，外层焦脆有炭烧香，又富肉汁，配上红酒汁，令肉味更芳香。伴菜嘅烤蕃茄、炸薯角及炒法边豆，都喺好好嘅薯菜配搭。
炭烧美国风干西冷扒配红酒汁
59 浏览
1 赞好
0 留言
煎焗法国鹌鹑酿巴马火腿、白菌及忌廉芝士鹌鹑睇落细细只，但一样好饱肚，因为，肚内酿满以忌廉芝士混合巴马火腿及白菌，味道非常多变，而且，鹌鹑肉好细嫩，渗进巴马火腿嘅咸香，极具心思。经理更讲解，啲酿鹌鹑非常花功夫，因为啲法国鹌鹑本身唔大只，但基本要先起晒骨，又需要保持外壳完整，再酿入其他材料，所以，繁复之外，手功要够细腻，故食依道菜，唔止食味道，更要欣赏厨师嘅手势。
煎焗法国鹌鹑酿巴马火腿、白菌及忌廉芝士
41 浏览
1 赞好
0 留言
有两款选择，啱啱好一人拣一款，唔使左思右想。
法式多士配云呢嗱吉士及枫树糖多士采用厚切，烘得香脆，唔讲仲以为喺雪糕，其实喺云呢嗱吉士，睇到点点云呢嗱籽就知𠮶朕自然嘅云呢嗱香味非用香精所比，吉士打得柔滑轻盈，淋上枫树糖，比蜜糖更清甜独特。整体做法无乜带嚟惊喜，但用料却喺精选。
法式多士配云呢嗱吉士及枫树糖
26 浏览
1 赞好
0 留言
拿破仑只简单做一层馅心，但同样食得出用料精，酥皮香脆松化唔油，士多啤梨好清甜新鲜，朱古力酱伴点杂莓，卖相精美。
日本士多啤梨拿破仑
38 浏览
1 赞好
0 留言
一餐饭，最后有一道美味嘅甜品，然后再叹番杯鲜奶咖啡，确实喺美妙嘅享受。虽然冲调嘅手势差咗啲，口感唔平均，但采用illy咖啡豆，醇香度始终有个保证！
级数即喺级数，服务好烫贴，一道菜接一道菜适时送上，不急不缓，让人轻松用餐。此外，每次上菜都有经理讲解一下，对道菜认识多啲之余，更可以用心细味，唔会咁易错过啲细节，真喺受教了不少。
张贴
