極尚大喜屋 (鱷魚恤中心)

营业中

休息中

见同朋友嚟开观塘，又超级肚饿，所以就嚟咗呢间极上大喜屋食个晏昼。平时都有食开唔同嘅放题，但系呢间又的确系有啲唔同。放题嘅食材质素好重要，呢间就做得非常唔错，鱼生非常新鲜。即使系大热天时，都keep到食材嘅新鲜真系好重要。又讲吓我哋食咗啲乜先。第一round叫咗唔同嘅刺身，有三文鱼，赤虾，带子，油甘鱼，希灵鱼。真系样样都好新鲜。冇嘢可以挑剔。海胆手卷都正！唔会腥，又creamy 又香第二轮我哋就带咗啲寿司同埋手卷。寿司有花之恋，火炙鳗鱼。火炙鳗鱼真系超正。鳗鱼大大件，再加埋火炙，真系带出左鳗鱼嘅美味。第三轮，就嗌多啲熟食。我哋叫咗天妇罗虾，芝麻鸡翼。天妇罗虾唔会太多粉浆，只虾有新鲜同弹牙。真系好好食。芝麻鸡翼就炸得好好，唔会太油腻，腌得又入味。当然就唔少得甜品作结，有成柜嘅雪糕甜筒，雪条任君选择。真系食得非常满足。