張公館

营业中

休息中

V point 29樓呢度有間高尚粵式餐廳，餐廳一邊的落地大玻璃望住維港景觀，真係賞心悅目的用餐體驗。見到餐廳晚飯時間都坐滿八成，有不少熟客光顧，因為見到職員都熟悉地招待。話梅汁蕃茄仔番石榴感覺十分清新醒胃，蕃茄仔用話梅汁浸過，酸酸甜甜。番石榴意外地好食，果肉好軟腍，好juicy 多汁😋沙茶醬安格斯牛肉炒時蔬賣相好靚，菜心青綠無渣。安格斯牛肉炒得好有鑊氣，肉味濃，好腍👍🏻大良炒水牛奶原來除了炒牛奶，仲有滿滿的大蝦，帶子同蟹子😍好足料。看得出師傅功架好，水牛奶炒得雪白，入口嫩滑，奶味濃郁🤤桂花五色糕都係心機手工菜，分別有椰汁，芒果，火龍果，班蘭同桂花糕，清清甜甜，完美作結。總括嚟講，餐廳環境一流，菜式都係心機手工菜，好適合同家人朋友一齊黎共聚晚餐。