雷公子海鮮串燒大排檔 (已結業)

九龙城呢个地方真系好特别，地方细细，揾食既地方多多，买野既地方又有，街市又好行，所以我呢个C9最近都好中意黎呢个地方。今次，约埋几个C9去九龙城食大排档海鲜。去到门口，见到有好多海鲜放左系门口，而且望落好光鲜，呢到真系大排档？入到去，好干净，墙上有好多推介菜式既相片。侍应都好有礼貌，最有趣既系佢地著既制服上面写住小二，哈哈。最后我地四个人，点左五个𩠌，有海鲜，有菜，有肉。蛋家佬炒蚬（$78），炒得好香，又惹味，最重要食落无沙，而且蚬肉都好肥美。少少辣，食完一只又一只。海盐手插虾（$198），八只虾用竹签串好后，一只只插起，用锡纸包住，锡纸外仲有大量海盐，打开锡纸，好香既海盐味传出黎，每只虾都好大，沾上左炸蒜，辣椒等，好香口既避风塘滋味，虾，好新鲜壳好脆，肉好甜，而且仲好弹牙。银山火焰桶蚝（$288），一上枱，就俾佢既火焰吸引住，锡纸入面包住既桶蚝，每只都肥大肉厚。咬落鲜甜肥美，而且好香既酒味，食落仲甜甜地，真系想食完一只再一只。蜜桃冰梅骨（$98），卖相好精致，冰梅骨炸得好甜，饮落甜甜地，不过无梅味，加上芝麻，更香口呀！立体3D芥兰($88),见openrice好多人都有试过，而佢又讲