影片
更多
2013-07-14
338 浏览
金域假日酒店嘅Bistro on the Mile及Delicatessen Corner（假日美食店）都曾于多年前帮衬过，感觉都非常之好，今次有幸一试酒店嘅中菜厅「龙苑」，实在多谢公关哥哥及酒店方面嘅邀请，未知中菜水准又如何？观乎之前嘅网上食评，都喺评价不俗，所以，殷切期待呀！经过门口嘅「酒柜屏风」就进入店子内厅，装修时尚简约，又不失中式雅气，原来前年先至装修过，内厅除有不同大细嘅圆枱，旁边亦设有4人卡位，适合不同需要嘅人士。唔讲真喺唔知，原来新装修采用传统四合院嘅风格嚟设计 ，宴会厅、贵宾厅、厨房设于餐厅三面，正正围绕著内厅而形成一个庭院格局。酒店方面亦都细心安排，为我哋预备咗贵宾房，唔单止更舒适宁静，晌咁优雅环境下「相机先食」再夸张啲都唔怕太碍眼，骚扰唔到其他食客更少份负担 ！哈哈！主打粤菜嘅龙苑，原来都已经开业咗30多年，能晌尖沙咀区屹立咁耐，水准自然够晒扎实。加上有新上任嘅中菜行政总厨陈永昌师傅压阵，凭其30多年嘅酒店中菜经验，20多年嘅行政总厨炼历，以及对粤菜嘅热诚，质素更有保证，所以，今晚除咗一试多款龙苑嘅招牌菜式之外，更先试为快晌七月特别呈献嘅「杭州佳肴」 （暂订
经过门口嘅「酒柜屏风」就进入店子内厅，装修时尚简约，又不失中式雅气，原来前年先至装修过，内厅除有不同大细嘅圆枱，旁边亦设有4人卡位，适合不同需要嘅人士。唔讲真喺唔知，原来新装修采用传统四合院嘅风格嚟设计 ，宴会厅、贵宾厅、厨房设于餐厅三面，正正围绕著内厅而形成一个庭院格局。酒店方面亦都细心安排，为我哋预备咗贵宾房，唔单止更舒适宁静，晌咁优雅环境下「相机先食」再夸张啲都唔怕太碍眼，骚扰唔到其他食客更少份负担 ！哈哈！
主打粤菜嘅龙苑，原来都已经开业咗30多年，能晌尖沙咀区屹立咁耐，水准自然够晒扎实。加上有新上任嘅中菜行政总厨陈永昌师傅压阵，凭其30多年嘅酒店中菜经验，20多年嘅行政总厨炼历，以及对粤菜嘅热诚，质素更有保证，所以，今晚除咗一试多款龙苑嘅招牌菜式之外，更先试为快晌七月特别呈献嘅「杭州佳肴」 （暂订供应期至31/7）。需知杭州菜源远流长，揉合咗宁波菜、沪菜特色，以配搭简单嘅原材料同调味料制成，手势精工，更成为中国八大新菜系之一，甚具特色！糯米酥藕 $80
既然新尝杭菜，首发嘅自不然喺杭州系前菜，其实今次推广都有唔少杭州前菜，如杭城卤鸭、油燘春芛、如意蛋卷、西湖熏鱼……等等，但店家拣嚟喺做工精细嘅糯米酥藕。入口清凉、带有桂花糖香嘅莲藕薄片，内里酿入糯米，食起嚟糖化后嘅藕片带点烟韧，但清甜幽香，而糯米黏糯柔绵，颇有惊喜嘅前菜。
玉皇山向铃 $128 第二道上场同为杭州特式菜嘅玉皇山向铃，晌餐牌中列为热菜，不过小弟就觉得似前菜多啲，如讲开热菜，出名嘅如西湖醋鱼卷、龙井虾仁、虾爆鳝背……一样有供应。据陈师傅讲由于采用杭州四乡腐皮制作，所以豆味极香，又唔油腻，而且「咔嚓」应声碎开，口感超松脆，醺点茄汁更有不错效果添！
椒盐豆腐粒 $70第三道前菜嚟个惹味甘香嘅椒盐豆腐粒，豆腐粒一口一粒，加上外皮既薄且脆，豆腐滑嫩非常，辣味唔太重，反而洒咗啲金蒜，感觉更香。伴有淮盐及喼汁，小弟就至爱「椒盐」配「喼汁」，咸香中有点酸味作平衡，尤其酥炸之物，喼汁更好使好用。不得不提，载豆腐粒嘅喺印度胡椒饼，喺楼上酒店自助餐印度厨师嘅手作仔，超薄超脆，食得唔好嘥呀！
红酒烩牛尾配花卷 $290 虽然龙苑喺卖粤菜，但依道红酒烩牛尾做法就较西式喇，席间陈师傅稍稍休息跟我哋互相交流，查实就喺我哋学嘢时间。原来，一道红酒烩牛尾要花上两日功夫，先要将牛尾清膏去脂，一大条牛尾得返半条左近，再捞面份入炉先烧后烚，再下配料、调味煲佢3小时，焗一晚，第二日再煮汁，个汁又唔可以煮太耐，红酒挥发晒就无酒香，得果酸味，所以真喺成担功夫，平均每晚都只喺限售6份咋。端上枱香气四溢，牛尾极之入味，肉味浓郁，肉质又腍又松化，好易离骨，连配料如甘笋同样好食，满满酒香。配以花卷仔蘸红酒汁同食，相信捞饭亦都一流，原来又可以跟天使面添，真喺鬼马。依道菜阿陈师傅话仲有个变奏版，就喺拆肉跟薄饼，认真多变呀。
龙苑炸子鸡 $160（半只）/ $300（全只） 炸子鸡好多中菜馆都有做，不过已极少好似龙苑咁跟七彩虾片上，咁怀旧风味，陈师傅话以前跟开炸藕片，不过有啲老客仔要求，做得咪做啰，最紧要大家钟意，咁又喺，我哋同枱嘅各位都为啲虾片而兴奋。炸子鸡做得皮脆肉嫰，功夫果真扎实，而鸡只皮下脂肪又少，选材已睇出心机。
摩利菌露笋竹笙卷 $140 属厨师精选菜式嘅摩利菌露笋竹笙卷，卖相十分精致，摩利菌、露笋、竹笙都喺口感清爽嘅素材，加上摩利菌（又名羊肚菌，舍国产货$600 / kg，用上法国货$2,000 / kg）有益肠胃、助消化、化痰理气之效 ，绝对喺清淡健康嘅素菜菜式。摩利菌淡淡菌香，唔会太抢，虽多为西菜所用，但配露笋、竹笙感觉都几清新。
碧绿金沙虾球 $270 份量十足，唔喺讲啲虾球好多，而喺虾球实在好大只，夸张少少真喺有小弟半个拳头咁大。虾球沾满咸蛋黄，外观金碧辉煌，佐以西兰花伴碟，卖相颇抢眼。虾肉质感爽弹，而且虾味鲜浓，配合咸蛋黄嘅惹味，真喺色香味全。
豆酥星斑 $320 豆酥星斑喺今晚所试嘅另一道杭州菜，不过「豆酥」依样嘢据师傅讲喺引自川菜，小弟印象上都喺第一次品尝，原来豆酥同样制作繁复，主要材料为黄豆，经烚、风干、再炸、要搓、又铲……，唔喺繁，喺烦啰！豆酥味道咸咸哋，但又脆又香，几得意，仲有可辣可唔辣；至于条星斑，蒸得恰好，肉质非常细嫩，好鲜味，佐以少少豆酥同食，咸香中鱼变得更鲜味。
原个菠萝咕噜肉 $140 小弟都喺第一次见咕噜肉以原个菠萝上，店家就喺相强调做咕噜肉所用嘅就喺原个嘅新鲜菠萝肉，相中为双份嘅原个菠萝咕噜肉，切勿误会百零蚊有咁大份咕噜肉啊！除咗新鲜菠萝肉，仲有荞头、子姜，味道令人感觉酸甜开胃，加上红椒、青椒，令卖相更色彩缤纷。咕噜肉做得不俗，炸浆唔厚，肉排多汁，真喺越食越滋味。
吴山酥油饼 $48 带有杭州风味嘅甜品有传统制法嘅酒酿丸子，以及吴山酥油饼，店家为我哋准备咗后者。何谓「吴山」，实为杭州一座名山，满山梯田，主要种植龙井，甚有特色，故此依道酥油饼做成外形如小山，一层层如梯田，造型精巧，非常讨好。酥油饼入口好松化，又带有重重面粉香，因为加入咗金华火腿茸及葱，所以味道甜中带咸，又有点点葱香，甜咸甜咸好有个性。
一道甜品又岂能满足我哋一班馋嘴嘅甜鬼，餐厅另备有名为「春令滋润甘露」嘅甜品餐牌，4款甜品包括：燕窝椰皇炖北海道3.6牛乳、陈皮炖香梨、木桶姜汁有机豆腐花及香芒杨枝甘露，如此滋润美点，应能滋润窝心。
木桶姜汁有机豆腐花 $78一份够晒二人分享，原木桶上，即点即撞，所以豆腐花份外嫩滑，淡淡豆香外，姜味亦够明显，采用有机黄豆，感觉更有营。
陈皮炖香梨 $68
润肺化痰嘅陈皮炖香梨，梨香自然，果肉微爽，渗出幽幽陈皮甘香，净食可能会觉得有点寡，不过下点糖浆，倍感清润甜蜜。
马蹄沙 $30
马蹄沙喺上述餐牌以外，店方特意介绍嘅怀旧甜品，依家坊间都较少见，仲记得以前细个，一到夏天街边小贩档就会有马蹄露卖，清甜冰冻，感觉好正。今日食番依个马蹄沙，细个回忆多少都返咗嚟，而且一样好正，马蹄粒幼细清甜，蛋花细致，又加入芦荟粒，增加口感，仲下咗少少鲜柠汁，虽然唔重，但有画龙点睛之效，真想添食呀！
虽然此行目的喺新尝杭州特色菜，但店家嘅招牌菜又岂能错过，故此仲有部份类别杭州菜未有机会一试，如汤羮类（「鸡火莼菜汤」、「四宝斩鱼丸」……）及杭州自家面食（「杭城三丝炒拉面」、「虾爆鳝面」……），但已令一众食友非常满足。此段推广期间，逢周五晚（7:00pm及8:00pm）更加插厨师即场拉面表演，不单舌尖，连眼晴都有一份好享受。再次多谢公关嘅安排，以及餐厅嘅款待，让我哋欢聚在龙苑，喜尝于杭菜！
张贴
