影片
更多
2010-11-04
12 浏览
上星期四, 师傅好记得呢一日, 皆因呢日绝对系大日子, 何解? 原因系师傅约左好友食家"乜都放入窿"宵夜, 但师傅点都冇谂到好友食家"乜都放入窿"竟然会拣呢间食店, 皆因呢位地狱黑仔王前后黎左三次, 三次师傅都与"窿"同行, 但三次都败兴而回; 第一次例假, 第二次卖晒, 第三次就无啦啦休息, 好友食家"乜都放入窿"已经话到明唔会再黎, 但最后还是和师傅一样四顾堂记, 其实黎呢度最主要原因系就师傅, 既然咁有恒心, 当然有得食啦!去到食店刚好凌晨十二时正, 店内人生人海, 两大食家黎到都仲要等位, 真系令师傅同好友食家"乜都放入窿"有少少不耐烦, 不过食好野等一阵亦不为过! 等嘅过程, 好友食家"乜都放入窿"就问下个姐姐可唔可以落定单先, 结果当然系唔得啦, 唯有等到有枱先算啦; 好唔容易先有张枱, 一坐底就听到个姐姐话 “粥卖晒”, 听到咁个心都灰左唔少, 于是商量一阵就决定柯打猪润肠, 烧鸭肠同埋鱼片虾米肠; 转个头个姐姐又话鱼片卖晒, 于是就决定要个叉烧腊肠肠!落完单后, 师傅继续同好友食家"乜都放入窿"吹下水, 玩下ipod咁, 点解? 由落单到有得食至少要等半粒钟, 如果唔
去到食店刚好凌晨十二时正, 店内人生人海, 两大食家黎到都仲要等位, 真系令师傅同好友食家"乜都放入窿"有少少不耐烦, 不过食好野等一阵亦不为过! 等嘅过程, 好友食家"乜都放入窿"就问下个姐姐可唔可以落定单先, 结果当然系唔得啦, 唯有等到有枱先算啦; 好唔容易先有张枱, 一坐底就听到个姐姐话 “粥卖晒”, 听到咁个心都灰左唔少, 于是商量一阵就决定柯打猪润肠, 烧鸭肠同埋鱼片虾米肠; 转个头个姐姐又话鱼片卖晒, 于是就决定要个叉烧腊肠肠!
落完单后, 师傅继续同好友食家"乜都放入窿"吹下水, 玩下ipod咁, 点解? 由落单到有得食至少要等半粒钟, 如果唔系咁点烧磨啲时间呀! 等下等下, 终于等到有得食喇, 烧鸭肠同猪润肠同时登场, 于是即刻开餐; 先讲下烧鸭肠, 烧鸭肠其实之前师傅已经食过一次, 上次嘅感觉仍记忆犹新, 是次一试发觉水准依旧; 肠粉系做得又薄又滑, 加上内里嘅烧鸭就十分香酥, 肉质非常松软, 绝对唔韧, 蒸嘅时间真系调教得洽到好处, 入口后绝对有种欲罢不能嘅感觉, 而配上不多不少嘅豉油, 绝对冇抢走到烧鸭嘅香味, 真的非常好食!
食左烧鸭肠后, 师傅就即刻试下猪润肠, 肠粉质素已经不需再讲, 但内里嘅猪润绝对值得一赞, 猪润非常爽口, 蒸嘅时间又系洽到好处, 而且味道唔苦, 仲带著一份浓浓嘅猪润香味, 而呢种香味相信系每个钟意食猪润嘅人都喜爱的, 整体除左创意够之余, 水准亦真的十分之高, 好好食呀; 最后叉烧腊肠肠亦登场, 叉烧腊肠除左配撘新鲜, 入口亦别有一番味道, 师傅将成旧肠粉放入口, 口中除左浓浓嘅腊肠味外, 就别无其他; 不过亦吃得出叉烧系肉质松软, 可惜系不少少叉烧烧过嘅味都冇, 而腊肠本身非常香浓, 加上绝对唔硬, 再配上滑身嘅肠粉, 整碟叉烧腊肠肠亦绝对可观, 不过师傅觉得吃腊肠肠可能更具欣赏价值!
总括黎讲肠粉质素非常了得, 而且又够创意, 虽然呢间唔系新嘅食店, 但对于第一次黎嘅人依然系有惊喜; 环境系坐街边, 卫生尚算干净, 服务态度始终麻麻, 不过亦可以接受到, 对呢d老店系冇得要求架喇, 价钱都就唔贵, 三样野埋单四十七蚊, 都算抵食! 师傅前后黎左六次, 先至食到两次, 而好友食家"乜都放入窿"亦平师傅记录, 前后四顾堂记, 终于能够初尝, 见到好友食家"乜都放入窿" 边吃亦边赞, 之前黎𠮶三次又算甚么呢? 是次与"窿"同行终于成功, 所以笑脸系点可能唔比, 如果有机会师傅都一定会再黎!
张贴
