影片
更多
2024-09-27
933 浏览
见WM酒店Buffet做紧优惠，呢期仲系以蟹为主题嘅🦀蟹逅秋意自助晚餐，啱哂口味，衬妈妈生日就带佢嚟西贡玩兼食饭。WM咖啡厅入面位置几舒适宽敞，食嘢𠮶阵仲可以透过落地玻璃望到出面环境，几有feel。今次Buffet以蟹为主题嘅菜式众多，由前菜、小食到热盘各有特色，款式好多不能尽录。依家9月份每位会附送一客焗酿蟹盖，馅料都几多蟹肉，几滋味。🦪海鲜有即开生蚝、加拿大松叶蟹脚、法国面包蟹、虾、螺、仲有小龙虾！ 整体质素几好，特别系生蚝，海水味重！ 面包蟹大大只，仲有蟹膏嘅，很满足。🐟刺身寿司刺身有三文鱼、希灵鱼、八爪鱼同油甘鱼，睇光泽已经知佢新鲜。 寿司都有多款唔同选择: 有帆立贝、甜虾、鳗鱼、腐皮寿司等!🔥热食平时对热食无感，因为嚟嚟去去都系𠮶啲。但WM咖啡厅又几多种类，有特色小食、串烧、蟹肉小食等，花多眼乱。即煮区嘅菜式都几多，除咗基本嘅Carving Station据扒， 仲有即炸天妇罗、天使面等。🦀特色蟹肴蟹嘅有关嘅菜式太多不能尽录，以下系自己几钟意嘅蟹肴😋泰式芒果蟹肉米纸卷：蟹肉同芒果好match，食落感觉清爽鲜美松叶蟹肉果冻：松叶蟹肉加上酸甜嘅果冻，十分开胃泰式蟹膏油炒蟹肉饭：蟹
见WM酒店Buffet做紧优惠，呢期仲系以蟹为主题嘅🦀蟹逅秋意自助晚餐，啱哂口味，衬妈妈生日就带佢嚟西贡玩兼食饭。WM咖啡厅入面位置几舒适宽敞，食嘢𠮶阵仲可以透过落地玻璃望到出面环境，几有feel。
今次Buffet以蟹为主题嘅菜式众多，由前菜、小食到热盘各有特色，款式好多不能尽录。依家9月份每位会附送一客焗酿蟹盖，馅料都几多蟹肉，几滋味。
🦪海鲜
有即开生蚝、加拿大松叶蟹脚、法国面包蟹、虾、螺、仲有小龙虾！ 整体质素几好，特别系生蚝，海水味重！ 面包蟹大大只，仲有蟹膏嘅，很满足。
🐟刺身寿司
刺身有三文鱼、希灵鱼、八爪鱼同油甘鱼，睇光泽已经知佢新鲜。 寿司都有多款唔同选择: 有帆立贝、甜虾、鳗鱼、腐皮寿司等!
🔥热食
平时对热食无感，因为嚟嚟去去都系𠮶啲。但WM咖啡厅又几多种类，有特色小食、串烧、蟹肉小食等，花多眼乱。即煮区嘅菜式都几多，除咗基本嘅Carving Station据扒， 仲有即炸天妇罗、天使面等。
🦀特色蟹肴
蟹嘅有关嘅菜式太多不能尽录，以下系自己几钟意嘅蟹肴😋
泰式芒果蟹肉米纸卷：蟹肉同芒果好match，食落感觉清爽
鲜美松叶蟹肉果冻：松叶蟹肉加上酸甜嘅果冻，十分开胃
泰式蟹膏油炒蟹肉饭：蟹膏油炒出嚟嘅饭真心香，唔小心扒咗成大碗饭
蟹粉流沙天使面：蟹粉同忌廉、咸蛋黄完美融合，食落creamy 但唔会太腻，蟹粉蟹肉味突出，食落好香，天使面索汁一流，极力推介!
🍰甜品
甜品款式众多，西式糕点、饼干不在话下，仲有中式糖水同豆腐花。当然唔少得水果同哈根大师雪糕。
班兰椰子菠萝蛋糕：
本身冇乜期望，点知蛋糕质感好轻！ 带有淡淡的班兰和椰子香，衬托出菠萝清甜，惊喜。
D24 榴梿蛋糕：
榴梿蛋糕质感同样好轻，榴梿味唔算好浓，但向口入面慢慢渗出嚟，建议先食蛋糕本身再食榴梿肉，由淡至浓食系唔同享受！
香印提子挞：
香印提子大大粒够清甜，底层系淡味啲嘅芝士挞，同香印提子几match
桂花酒酿小丸子：
小丸子质感QQ，桂花酒酿有淡淡酒香，清清甜甜咁几消食。
☕️餐饮系自助，有几款Twinnings茶包选择，仲有冰水果红茶。另外，隔离仲有咖啡机可以襟嚟叹返杯。
🌟今期自助晚餐超抵，到WM酒店官网预订时输入指定优惠码「2410WDD」(预订星期一至四用） / 「2410WED」(预订星期五六日公众假期用）。成人价钱为$508.3 起（原价$598起），小童价钱为$338.3起 (原价$398起）
张贴
